II Samuẹl 16:16 - Edo Bible (E Baibol Ẹdo) Version 1996

¹⁶ Ugbẹn vbe Husiai ne ọse Devid ne ọ mu ẹtin yan ghi miẹn Absalọm, ọ tama rẹn wẹẹ, “Ọba gha tọ, ọ kpẹre! Ọba gha tọ, ọ kpẹre!”

II Samuẹl 16:16 ပူးပေါင်းရင်းမြစ်များ

II Samuẹl 15:32

E Devid ghi sẹ uhunmwu oke, ehe ne ihọkpa ne a na ru ugamwẹ ye, ọsiọre ne ọ mu ẹtin yan ighẹ Husiai ne ovbi Akit keghi do vba ẹre ke ẹe kevbe ukpọn nẹ a yanghaẹn kevbe iku vbe uhunmwu.

II Samuẹl 15:34

Sokpan, u gha sẹtin yọmwẹ obọ vbe ekpa ne u gha na gha ghe odan ye ude ne Ahitofẹl bu, u ghi werriegbe gha rrie ore ẹvbo, u ghi ya tama Absalọm wẹẹ, ‘Umogun, I gha vbe gha ga uwẹ nian vbene I te vbe gha ga erhaa.’

II Samuẹl 15:37

Ẹre Husiai ne ọ re ọse Devid na wa dọlegbe sẹ ore ẹvbo vbe ẹghẹ ne Absalọm wa vbe ya rre zẹẹ.

I Ọba 1:25

Vbe ẹdẹ nẹrẹ na zẹẹ nian, ọ ya gbele avbe ẹmila, ohuan kevbe ẹkhuia abẹgbe ni bun ya zọ ese, ọ keghi gie ne a tie avbe ivbi uẹ hia, kevbe Joab ne ọkaokuo ivbi iyokuo ruẹ kevbe Abiata ne ohẹn. Wanwanna nian, iran wa re iran da, iran hia gha go kha wẹẹ, ‘Adonaija ne ọba gha tọ ẹ kpẹre!’

I Ọba 1:34

ne Zadọk kevbe Natan ma ẹre ọba Izrẹl vbe evba, iyeke ọnii, wa ghi kpe okpe ne uwa datu wẹẹ, ‘E Solomọn ne ọba gha tọ ọ kpẹre.’

I Ọba 4:5

Ọka avbe ogie isi: Azaraia ne ovbi e Natan. Iguọbaziro: ohẹn ighẹ Zabuk ne ovbi e Natan.

II Ọba 11:12

Ẹre Jehoiada na rhie Joas ladian, ọ keghi mu ẹde ye ọre uhunmwu, ọ na rhie ọkpa ne ẹẹn vbe uwu ebe ọghe vbene ọba yin hẹ. Ẹre a na sa ori ye Joas uhunmwu, a na ma ẹre ọba. Emwa hia keghi kpe obọ, iran were tii kha wẹẹ, “Ọba gha tọ, ọ kpẹre!”

Daniẹl 2:4

Iran keghi ya ẹvbo Aremia tama rẹn wẹẹ, “Ọba gha tọ, ọ kpẹre, ta imina ne u minaẹn ma ima, ma gha rhan otọ ẹre ma ruẹn.”

Daniẹl 5:10

Iye ọba keghi họọn owogho ne ọ ke ehe ne ọba kevbe avbe ekhaẹmwẹ ọnrẹn ye rre, ọ keghi la Ọgua ne iran na rrie evbare nii, ọ keghi kha wẹẹ, “U gha tọ u kpẹre Umogun, lahọ ghẹghi fian afianma ne u wa kuagha vbe nian.

Daniẹl 6:21

E Daniẹl keghi wanniẹn wẹẹ, “U gha tọ u kpẹre, Umogun.

Daniẹl 6:6

Iran keghi rhunmwuda ọnii bu ọba gha khian, iran taa ma rẹn wẹẹ, “E Dariọs ne ọba, u gha tọ u kpẹre, Umogun.

Matiu 21:9

Avbe emwa ni ke odaro ne Jesu kevbe ni rre ọre odieke keghi tọn urhu mu kha wẹẹ, “Urhomwẹ nọ ne ovbi e Devid. Afiangbe Osanobua nọ ne ọmwa ne ọ dee vbe eni Nọyaẹnmwa, Uyi nọ ne Osanobua.”

I Samuẹl 10:24

E Samuẹl keghi Tama emwa nii wẹẹ, “Wa ghe ọmwa ne Nọyaẹnmwa zẹẹ, ọmwa ọvbehe ne ọ yevbe ọre vbe uwu ima i rrọọ.” Iran hia keghi wa we wẹẹ, “Ọba gha tọ ọ kpẹre!”