II Samuẹl 16:1 - Edo Bible (E Baibol Ẹdo) Version 1996

¹ Ugbẹn vbe Devid ghi ya ekherhe gberra ehe ne oke nii na yo sẹ nẹ, e Ziba ne ọguọmwadia e Mẹfibosiẹt keghi do vba ẹre vbe udomwurri, ọ keghi ya ẹsin eva mu ududu ebrẹd uri gha dee ke ẹe kevbe ititi ọmọ erhan ne a kare iyisẹn, ititi ọmọ erhan ne a ma ka iyisẹn, kevbe ọgọ ayọn ohian ọkpa.

II Samuẹl 16:1 ပူးပေါင်းရင်းမြစ်များ

II Samuẹl 15:30

E Devid keghi mu Oke Ọliv hin, ọ kegha viẹ khian, ọ ma viọ ibata ye owẹ, sokpan ọ keghi mu ukpọn rhu uhunmwu gha khiẹ. Iran ni lelẹe khian hia keghi vbe viọ ukpọn rhu uhunmwu, iran na gha viẹ.

II Samuẹl 15:32

E Devid ghi sẹ uhunmwu oke, ehe ne ihọkpa ne a na ru ugamwẹ ye, ọsiọre ne ọ mu ẹtin yan ighẹ Husiai ne ovbi Akit keghi do vba ẹre ke ẹe kevbe ukpọn nẹ a yanghaẹn kevbe iku vbe uhunmwu.

II Samuẹl 19:17

Ọ keghi viọ arhin arriaisẹn (1,000) vbe ẹwae e Bẹnjamin ba egbe. E Ziba ne ọguọmwadia ẹgbẹe e Sọl, kevbe viọ ivbi ẹre ni ikpia ekesugie kevbe eguọmwadia ugie, iran keghi ka sẹ e Jọdan khẹ ọba.

II Samuẹl 19:32

E Bazilai keghi re ọmwa ne ọ khian ọmaẹn ẹsẹse. Ukpo iyenẹ ọ re ọ gha ye, ọ vbe fe ẹsẹse. Ọ kegha viọ evbare gie ọba ẹghẹ ne ọ na gha rre Mahanem.

I Krọnikol 12:40

Emwa kegha viọ evbare ughughan ke urria rre vbene iran na ya ẹsin ihẹ, ekẹtẹkẹtẹ, ẹmila amwẹ, ẹkhuia, hẹ evbare ni rre, avbe irhuarhua, ebe uwọnmwẹ, ọmọ erhan ne a kae re, ayọn, ofigbọn oliv, ke ehe ne ọ rrei rre, vbene Isaka ye kevbe Zẹbulọn kevbe Naftali. Iran kevbe viọ ẹmila kevbe ohuan gie iran gha gbele re. Ena hia kegha re ne a ya rhie maa vbene ẹko rhiẹnrhiẹn emwa hia hẹ, la ehe ne ẹvbo nii sẹe, ehe ne ọ rhanmwẹ.

Itan 18:16

A dẹghe u ho ne u miẹn ọmwa kpataki aro, ya emwi ha oko giẹe, ẹ i ra zẹdẹ lọghuẹ hiehiere.

Jerimaia 40:10

Mẹ tobọmwẹ gha mudia vbe Mizpa ne I gha ta ne unu uwa vbe ivbi e Babilọn a rre. Sokpan, wa sẹtin gualọ ayọn gha viọ hin rre, kevbe emwiokọ kevbe ofigbọn oliv, ne uwa vbe yin avbe igue ne uwa ye.”

Jerimaia 40:12

Iran keghi rhunmwuda ọnii kpao vbe avbe ehe ne iran te ka zagha lele, iran na werriegbe gha die Juda. Iran keghi bu e Gedalaia gha die Mizpa, iran keghi si ayọn kevbe emwiokọ ọrhẹnrhẹn gbo vbe evba.

Emọs 8:1

I keghi vbe miẹn umian ọvbehe ne ọ ke ehe ne Nọyaẹnmwa ne Udazi ye rre. Vbe uwu umian na, I keghi bẹghe okhuae ọmọ erhan.

Maika 7:1

Ẹ i zẹdẹ maa, hiehie re! Te I ghi wa ye vbe ọmwa ne ohanmwẹ gbe ne ọ ma miẹn ọmọ erhan vbe uhunmwu erhan ra alimo ayọn vbe uhunmwu azara. Alimo ayọn hia kevbe avbe ọmọ erhan ni rhiẹnrhiẹn, iran kọlọ ehia fo nẹ.

I Samuẹl 10:3

U gha ke evba kpao, u ghi do sẹ isi erhan iruemwi ne ọ rre Tabọ, U ghi miẹn ikpia eha ni rrie Bẹtẹl ne iran ya zọ ese ghe Osanobua vbe Bẹtẹl. Ọkpa vbọ gha viọ ivbi ẹwe eha mwẹ, ọkpa gha viọ ebrẹd eha mwẹ kevbe ne ogieha ghi mu ọgọ ohian ayọn mwẹ.

I Samuẹl 16:20

E Jese keghi gie Devid bu e Sọl gha khian, ọ na mu ọgọ ohian ayọn ọkpa, kevbe ovbi ẹwe kevbe ebrẹd ne ọ sẹ ekẹtẹkẹtẹ ọkpa mu, gie ẹe.

I Samuẹl 25:18

Abigẹl keghi zẹgiẹgiẹ viọ ududu ebrẹd uri, ẹkpo ohian ayọn eva ohuan ne a ranmwẹ isẹn, ititi ọmọ azara ne a ka re iyisẹn, ududu ọmọ ohọ ne a ka re uri, ọ na kuẹn ehia yan ekẹtẹkẹtẹ.