II Samuẹl 15:8 - Edo Bible (E Baibol Ẹdo) Version 1996

⁸ Ẹghẹ ne I na gha rre Gẹsiọ vbe Aram, I yan ma e Nọyaẹnmwa wẹ, ọ gha rhie mwẹ dọlegbe sẹ Jerusalẹm, I gha do ga ẹe vbe Hibrọn.”

II Samuẹl 15:8 ပူးပေါင်းရင်းမြစ်များ

II Samuẹl 14:23

Ẹre irẹn na ghi kpaegbe, ọ na gha rrie Gẹsiọ, ọ na ya rhie Absalọm dọlegbe gha die Jerusalẹm.

II Samuẹl 14:32

Absalọm keghi wanniẹn wẹẹ, “I gie ne a tie ruẹ wẹ ne u gha de ne I giọ ne u ya tuẹ yi mwẹ vbe ọghe ọba. Vbe i a ghi kpao vbe Gẹsiọ gha die edinran baa. I ma rẹn ne I wa tota vbe odọọ.” Absalọm keghi rhie te ẹe wẹẹ, “I ho ne u mwamwa ẹẹn ne I miẹn ọba aro. A deghẹ I rri abe wẹ ne ọ gbe mwẹ uan.”

II Samuẹl 15:9

Ọba keghi khama rẹn wẹẹ, “Gha khian vbe ọfumwegbe.” Ẹre Absalọm na gha rrie Hibrọn.

II Samuẹl 3:3

Ne ogieva kegha re Kiliab, ne a tie iye ẹe Abigẹl ne ọ de ẹgbẹe vbe obọ Nabal ne ovbi Kamẹl; ne ogieha kegha re Absalọm, ne a tie iye ẹe Maaka, ovbi e Talmai ne ọba Gẹsiọ;

Psalm 56:12

Osanobua mẹ gha ha emwi ne imẹ ve ne uẹn mẹ gha viọ emwi imuohan ọghe ekpọnmwẹ mwẹ nuẹn.

Asan-Ibo 5:4

Rhunmwuda ọnii, u gha ve Osanobua emwi, zẹgiẹgiẹ ru ẹe vbene u gha sẹtin rhulẹ ru ẹe sẹ. Rẹn i mwẹ vbe ọ ya ọzuọ ru. Ru emwi ne u yanrẹn ighe u gha ru.

Aizaia 28:15

Wa gha rhuọ wẹ wa gu uwu koo ẹmwẹ nẹ, wa kevbe gu agbọn iran ni wulo nẹ koo ọta, wa keghi gba mu ẹẹn kọ ye efọnkpa. Aro uwa wa vbe dae wẹ, ẹghẹ ne ọfuan gha na rre, ọ gha fi uwa yi, rhunmwuda, wa mu ẹtin yan ohoghe kevbe erẹrẹ ne ọ miẹn uwa fan.

Jerimaia 42:20

Ighẹ uwu abakuru nọkhua ọ re uwa wa ye na. Wa ọ re ọ tama mwẹ ne I na erhunmwu ghe e Nọyaẹnmwa ne Osanobua ima ne uwa, wa na vbe yan wẹ, emwi ne ọ rhirhi a khama uwa ne uwa ru, wa gha ru ẹe.

Jọsua 24:15

A deghẹ wa i ho ne uwa ga e Nọyaẹnmwa, wa tae ẹrẹna nian ọmwa ne uwa gha ga, adeghẹ avbe ẹbọ ne avbe erha uwa gha ghoo vbe Mẹsopotamia nọ ra avbe ẹbọ ivbi Amọri ne uwa rre otọ ẹre. Sokpan, zẹ vbe ọghomwẹ kevbe ẹgbẹe mwẹ, e Nọyaẹnmwa ma gha ga.”

I Samuẹl 1:11

E Hanna keghi ye ekhọe kekhọe ru eyan wẹẹ, “Oghodua Nọyaẹnmwa, ghe mwẹ, mẹ ne ọguọmwadia ruẹ. Ghe ukpokpo ne I mwẹ, ne u ye mwẹ rre. A deghẹ u rhie ọmọ okpia mẹ, I yan rẹn ighẹ I gha yae fi ohan nuẹn ne ọ gha re ọwuẹ vbe ẹdẹ agbọn rẹn hia, ẹ i ra vbe gbe eto ẹre.”

I Samuẹl 16:2

E Samuẹl keghi nọọn wẹẹ, “Vbe i a gha na ru emwi vberriọ hẹ? E Sọl gha họn te ọ gbe mwẹ uan!” E Nọyaẹnmwa keghi wanniẹn wẹẹ, “Mu ovbi ẹkhuia ẹmila mwẹ obọ, ne u kha wẹ te u do zọ ese ghe Nọyaẹnmwa.