II Samuẹl 15:7 - Edo Bible (E Baibol Ẹdo) Version 1996

⁷ Ukpo enẹ ghi gberra nẹ, Absalọm keghi tama e Devid ne ọba wẹẹ, “Evbavba, gun mwẹ gha rrie Hibrọn ne I ya ha eyan ne I ru ma e Nọyaẹnmwa ẹghẹ ne I na rre Gẹsiọ.

II Samuẹl 15:7 ပူးပေါင်းရင်းမြစ်များ

II Samuẹl 3:2

Emọ ehan ne Devid biẹlẹe vbe Hibrọn ọ re ena khin zẹ vbene a ya biẹlẹ iran lele egbe. Ne ọdiọn kegha re Amnọn ne a tie iye ẹe Ahinoam ne ovbi e Jezrẹl;

II Samuẹl 3:3

Ne ogieva kegha re Kiliab, ne a tie iye ẹe Abigẹl ne ọ de ẹgbẹe vbe obọ Nabal ne ovbi Kamẹl; ne ogieha kegha re Absalọm, ne a tie iye ẹe Maaka, ovbi e Talmai ne ọba Gẹsiọ;

Itan 21:27

Te ọ sọnnọ e Nọyaẹnmwa vbe emwa dan a zọ ese ghe ẹre, katekate vbe a gha miẹn wẹ emwi dan ọ re ọ rre iran ekhọe ne ọ ye iran ru ẹe.

Aizaia 58:4

Aguẹ ne uwa ye ghi do ya uwa khian emwa ọkhọ, wa ghi gha gui, wa ghi gha gbinna. Wa yayi wẹ egbe aguẹ vberriọ gha ye imẹ gha zẹye erhunmwu uwa ra?

Matiu 2:8

Ọ keghi gie iran gha rrie Bẹtlẹhẹm ọ wẹẹ, “Wa ya gbe aro kotọ gualọ ọmọ na, wa ghẹ ghi miẹn ọẹn nẹ, wa do khama mwẹ ne imẹ miẹn ehe na vbe ya ya uhunmwu rhanmwẹ otọ nẹẹn.”

Matiu 23:13

“U miẹn agbọn ne uwa ye eni ma emwa Uhi kevbe Farisi, ayunukpaegbe! Wa khui urho Arriọba ẹrinmwi ke emwa yi, wa tobọ uwa ma ho ne uwa la owa, emwa ni ho ne iran la owa, wa ma kie ne iran. [

I Samuẹl 16:13

E Samuẹl keghi mu ẹvbi ọliv nii, ọ keghi sirra etiọnrẹn hia nọnọ ori ye ọre uhunmwu. Orhiọn Nọyaẹnmwa na hin yan e Devid vbe ọwarọkpa nii, ọ na vbe guẹe gha rrọ ke ẹghẹ nii kpao. Ẹre Samuẹl na gha rrie Rama.