II Samuẹl 15:32 - Edo Bible (E Baibol Ẹdo) Version 1996

³² E Devid ghi sẹ uhunmwu oke, ehe ne ihọkpa ne a na ru ugamwẹ ye, ọsiọre ne ọ mu ẹtin yan ighẹ Husiai ne ovbi Akit keghi do vba ẹre ke ẹe kevbe ukpọn nẹ a yanghaẹn kevbe iku vbe uhunmwu.

II Samuẹl 15:32 ပူးပေါင်းရင်းမြစ်များ

II Samuẹl 1:2

Vbe ikpẹdẹ ne ọ lele ẹe, igbama ọkpa keghi ke agọ e Sọl rre. Ọ keghi sọ ukpọn ye ẹkun ẹnrẹn, ọ na zẹ iku yan uhunmwu zẹ vbe ama ọghe akhiẹ. Ọ keghi bu e Devid gha khian, ọ keghi vbe rre ye uhunmwu kan otọ ne ẹẹn zẹ vbe otuẹ ọghọ.

II Samuẹl 13:19

Ọ keghi khakha emuẹn ye egbe ẹre uhunmwu, ọ yanghan ẹwu nii uan, ọ keghi viọ obọ gue aro, ọ na viẹ gha rrie.

II Samuẹl 15:30

E Devid keghi mu Oke Ọliv hin, ọ kegha viẹ khian, ọ ma viọ ibata ye owẹ, sokpan ọ keghi mu ukpọn rhu uhunmwu gha khiẹ. Iran ni lelẹe khian hia keghi vbe viọ ukpọn rhu uhunmwu, iran na gha viẹ.

II Samuẹl 16:1

Ugbẹn vbe Devid ghi ya ekherhe gberra ehe ne oke nii na yo sẹ nẹ, e Ziba ne ọguọmwadia e Mẹfibosiẹt keghi do vba ẹre vbe udomwurri, ọ keghi ya ẹsin eva mu ududu ebrẹd uri gha dee ke ẹe kevbe ititi ọmọ erhan ne a kare iyisẹn, ititi ọmọ erhan ne a ma ka iyisẹn, kevbe ọgọ ayọn ohian ọkpa.

II Samuẹl 16:15

Absalọm kevbe ivbi Izrẹl ni lele ẹe keghi la ore Jerusalẹm, Ahitofẹl kevbe gha rre evba.

II Samuẹl 17:5

Absalọm keghi kha wẹẹ, “Wa tie Husiai rre ne a vbe họn vbe ne irẹn kha hẹ.”

I Ọba 11:7

Ọ keghi bọ ehe ne a na gho Kiẹmọs ne ẹbọ emwiekhue Moab ye odẹ ahọ e Jerusalẹm kevbe ehe ne a na gho e Milkọm ne ẹbọ emwiekhue Amọn.

I Ọba 4:16

E Baana ne ovbi e Husiai: otọe Asia kevbe ẹvbo Bialot.

I Krọnikol 27:33

Ahitofẹl kegha re ne ọ gu ọba ziro, e Husiai ne ọmwa Aki kegha re ẹse ọba kevbe ne ọ gu ẹe zẹ iro.

Psalm 3:7

E Nọyaẹnmwa, larre! Osanobua mwẹ do miẹn mwẹ fan. Rri avbe eghian mwẹ hia oya ne iran ghẹghi sẹtin kuan mwẹ egbe ọvbehe.

Psalm 50:15

Ibaro gha rre, kpe tie mwẹ, I gha miẹn ruẹn fan wẹ ghi do gha rho mwẹ.”

Psalm 91:15

Iran gha kpe tie mwẹ, I gha yaba iran vbe iran a gha rre uwu ibaro. I gha miẹn iran fan I gha vbe ye ọghọ ne iran.

Iyẹn ne ọ Maan Ọghe Luk 19:29

Ọ ghi sikẹ Bẹtfag kevbe Bẹtani ni rre uhunmwu oke erhan Ọliv, ọ keghi gie erhuanegbe eva ke odaro.

Jọsua 16:2

ọ keghi ke Bẹtẹl gha rrie Luz, ọ na la evba gha rrie Atarọt Ada ehe ne avbe Aki gha ye.

I Samuẹl 4:12

Okpia ọkpa vbe uniẹn Bẹnjamin ke ghi lẹfua ke odaro okuo gha die Silo, ọ keghi vbe sẹ evba vbe ẹdẹ ne ẹdẹrriọ zẹẹ. Ọ keghi yanghan ukpọn ye ẹkun, ọ na vbe viọ iku ye uhunmwu zẹ vbe ama ne ọ ya rhie maa ighẹ te irẹn khiẹ.