II Samuẹl 15:31 - Edo Bible (E Baibol Ẹdo) Version 1996

³¹ E Devid ghi họn ighẹ Ahitofẹl vbe deba isọtẹ Absalọm, ọ keghi kha wẹẹ, “Nọyaẹnmwa, lahọ, fi ibude Ahitofẹl werriẹ khian ukọnmwẹ.”

II Samuẹl 15:31 ပူးပေါင်းရင်းမြစ်များ

II Samuẹl 15:12

Ẹghẹ ne ọ ghi na gha zọ ese, Absalọm keghi gie ya tie Ahitofẹl ke Gilo rre, ọkpa vbe iran ni gu e Devid ne ọba zẹ iro ọre irẹn khin. Ekhuan isọtẹ ne iran khuan khọ ọba kegha muotọ yọ, iran ni lele Absalọm khian kegha bun yọ.

II Samuẹl 16:23

Ude ne Ahitofẹl bu ẹghẹ nii, te emwa wa rhie ẹre vbene a miẹn wẹ ẹmwẹ ne Osanobua ta ẹe wa nọ, erriọ ọ re Devid kevbe Absalọm ya ẹe gha ru emwi.

II Samuẹl 17:14

Absalọm kevbe emwa rẹn keghi kha wẹẹ, “Iro ne Husiai zẹe ọ re ọ maa sẹ ọghe Ahitofẹl.” E Nọyaẹnmwa ta ẹe nẹ wẹ a i rhie iro esi ne Ahitofẹl zẹ rhunmwuda ne ọkhọ miẹn ehe na rruan Absalọm.

II Samuẹl 17:23

Ahitofẹl ghi miẹn wẹ, a ma rhie iro ne irẹn zẹẹ, ọ na rhunmwuda ọnii gbalọ ekẹtẹkẹtẹ ọre, ọ na gha rrie ẹvbo ẹre. Ọ ghi mwamwa emwi hia ye ihe nẹ, ọ na ya zẹgbẹle. Iran keghi re ẹre ye idin ẹgbẹe ọre.

II Samuẹl 17:5

Absalọm keghi kha wẹẹ, “Wa tie Husiai rre ne a vbe họn vbe ne irẹn kha hẹ.”

II Samuẹl 17:7

E Husiai keghi wanniẹn wẹẹ, “Iro ne Ahitofẹl zẹ rre ẹghẹ na, ẹ i maa,

Job 5:12

Ọ ghi duẹ emwamwa emwa ero ua. Ọ ghi ya ifi ne umẹwaẹn khuẹn muẹn sẹrriọ wẹ, a i miẹn ọ dunnaẹn vbe iwinna iran.

Psalm 109:3

iran vbe ta ẹmwẹ dan vbe ekpa mwẹ, iran gunmwẹ gbinna vbe ne ẹ i na mwẹ otọ.

Psalm 3:1

Eghian ne I mwẹ bun ẹsẹse Nọyaẹnmwa, emwa nibun, ni viọ aro da mwẹ.

Psalm 41:9

Uhin wẹ osẹ mwẹ ne ọ sikẹ mwẹ sẹẹ, ọmwa ne I mu ẹtin yan sẹẹ ọmwa ne ọ re vbe evbare mwẹ te ọ ghi mu aro da mwẹ.

Psalm 55:10

Ọ lẹga ẹre vbe avan kevbe asọn, ọ ya uyinmwẹ ika kevbe orueghe vuọn rẹn.

Psalm 55:12

Akpawẹ oghian ọ re ọ ya mwẹ gbogiẹ, te I gha zin ẹnrẹn, akpawẹ ọmwa ne a gba suan ọ re ọ rhuọ gunmwẹ, te I gha rhie egbe mwẹ lẹre ne ẹẹn.

Aizaia 19:3

I gha rhia uma ne ivbi Igipt si, I ghi vbe duẹ ẹtin ne ọ te rre iran iwu rua. Iran gha rinmwian wẹ ne amazẹ iran yi iran obọ, iran gha vbe yo ya gha gualotọ emwi vbe obọ iran ni miẹn aro, iran ghi vbe gha nọ ibude vbe obọ orhiọn emwa ni wulo nẹ.

Aizaia 44:25

Mẹ ye avbe iran ni fi iha ne emwa, gbogiẹ I ghi vbe ya emwi ne avbe iweuki ta yotọ khian ne ọ ma de yọ. Mẹ khare ighẹ ohoghe ẹmwẹ ne avbe umẹwaẹn ta khin. I ghi rhie ma ighẹ ukọnmwẹ ọ re ẹwaẹn iran khin.

Iyẹn ne ọ Maan Ọghe Jọn 13:18

“Ẹ i re uwa hia I kha. Mẹ rẹn iran ne I mẹ hannọ zẹ. sokpan ẹ i mwẹ ne ẹmwẹ ne ebe ne ọ huanrẹn khare ghẹ sẹ wẹ, ‘Ọmwa ne ọ re vbe evbare mwẹ mu aro igbinna da mwẹ.’

I Kọrinti 1:20

De ehe ne avbe umẹwaẹn ghi ye vbọ khekherriọ ra iran ni rẹn emwi? Ra iran ni guara muan ẹmwẹ vbe agbọn na. Osanobua rhie maa nẹ ighẹ ẹwaẹn agbọn na, ukọnmwẹ nọ.

Jems 3:15

Ẹ i re ẹrinmwi egbe ẹwaẹn vberriọ ke rre, ọ ghe agbọn na nọ, ẹ i re emwi orhiọn, ọghe esu nọ.