II Samuẹl 15:30 - Edo Bible (E Baibol Ẹdo) Version 1996

³⁰ E Devid keghi mu Oke Ọliv hin, ọ kegha viẹ khian, ọ ma viọ ibata ye owẹ, sokpan ọ keghi mu ukpọn rhu uhunmwu gha khiẹ. Iran ni lelẹe khian hia keghi vbe viọ ukpọn rhu uhunmwu, iran na gha viẹ.

II Samuẹl 15:30 ပူးပေါင်းရင်းမြစ်များ

II Samuẹl 15:29

Ẹre Zadọk kevbe Abiata na mu Ẹkpẹti Ile werriegbe gha rrie Jerusalẹm iran na ya gha rre evba.

II Samuẹl 19:4

Ọba keghi mu emwi gue aro, ọ na kakabọ gha viẹ wẹẹ, “Ẹta ovbi mwẹ! Absalọm ne ovbi mwẹ! Absalọm ne ovbi mwẹ!”

II Samuẹl 19:5

E Joab keghi bu ọba gha rrie owa ẹre, ọ keghi tama rẹn wẹẹ, “Te uwa mu emwa ruẹn gbe otọ ẹrẹna, avbe emwa ni zẹe ighẹ u ma wu kevbe avbe ivbi uẹ ni ikpia avbe amwọọn kevbe avbe egbakhian ruẹn.

Ẹsta 6:12

E Modekai keghi werriegbe gha rrie onurho ẹguae, vbene Haman na zẹgiẹ gha rrie owa. Ekhue keghi mu ẹẹn sẹrriọ wẹ te ọ ghi viọ obọ gue aro.

Psalm 42:3

Asọn kevbe avan ọ re I ya viẹ egbe, ameve ọkpa ọrọre evbare mwẹ ẹghẹ hia, avbe eghian mwẹ ghi gha nọ mwẹ wẹẹ, “Osanobua ruẹ vbọ?”

Psalm 43:5

Vbọzẹ yi ne ekhọe mwẹ na rhia vbenian vbọzẹ ne orhiọn mwẹ ma na sotọ I gha hẹnhẹn idaehọ mwẹ yan Osanobua I gha vbe dọlegbe rho ẹre ọmiọnmwafan mwẹ Osanobua mwẹ.

Ezikiẹl 24:17

Ghẹ gie a họn vbe u so asukpẹ eve. Ghẹ bannọ uhunmwu yotọ ra ne u ya owẹ kẹkan gha khian zẹ vbe ama akhiẹ. Ghẹ mu emwi gue aro ra ne u rri evbare ne iran ni rre akhiẹ re.”

Ezikiẹl 24:23

Wa i ra bannọ uhunmwu yotọ ra ne uwa gha ya owẹ mama otọ khian, ra ne uwa khiẹ ra ne uwa viẹ. Wa ghi gha rri ororo rhunmwuda orukhọ uwa, wa ghi gha rriakọn ma egbe.

Zẹkaraia 14:4

Ọ gha sẹ ẹghẹ nii, ọ gha mudia ye Oke Ọliv ne ọ rre odẹ ahọ ọghe Jerusalẹm, ẹghẹ nii iya nọkhua ghi gia Oke Ọliv ye ihe eva ke odẹ ahọ ya sẹ orrie. Ukhiọnmwẹ ọkpa vbọ ghi laghe odẹ okuọ, ukhiọnmwẹ nọkpa ghi laghe odẹ ekẹn.

Matiu 5:4

Ọ maa ne iran ni khiẹ, Osanobua gha fu iran ẹko rre!

Iyẹn ne ọ Maan Ọghe Luk 19:29

Ọ ghi sikẹ Bẹtfag kevbe Bẹtani ni rre uhunmwu oke erhan Ọliv, ọ keghi gie erhuanegbe eva ke odaro.

Iyẹn ne ọ Maan Ọghe Luk 19:37

A ghi sẹ ọkpẹn Jerusalẹm, vbe ehe ne odẹ na la uhunmwu oke erhan Ọliv, avbe erhuanegbe ẹre ni bi lele ẹe khian keghi tọn urhu mu gha rho Osanobua, iran kegha kpọnmwẹ ọẹn ye emwi ne ọ kpọlọ ne aro iran sẹe wẹẹ,

Iyẹn ne ọ Maan Ọghe Luk 19:41

Rẹn keghi sikẹ ore ẹvbo, ugbẹn vbe ọ ghi bẹghe ẹre, ọ viẹ ọe wẹẹ,

Iyẹn ne ọ Maan Ọghe Luk 21:37

Jesu keghi wa ya ẹghẹ ni hia gha ma emwa emwi vbe uwu Ọgua Osa, ọ ghẹ ghi sẹ ota, ọ ghi ya dia uhunmwu oke Ọliv ya vbe asọn hia.

Iyẹn ne ọ Maan Ọghe Luk 22:39

Jesu keghi kpaegbe, ọ na gha rrie uhunmwu oke erhan Ọliv, zẹ vbene ọ ka ru de ẹdẹ, avbe erhuanegbe ẹre keghi vbe lele ẹe gha khian.

Iwinna 1:12

Vbe iyeke ọnii, avbe ukọ keghi werriegbe ke uhunmwu oke Ọliv rre, ne ọ re omwa ukhiọnmwẹ ibiriki gha rrie Jerusalẹm.

Ebe ne Pọl gbẹẹn gie emwa Rom 12:15

Gha gu enọghọghọ ghọghọ vbe gu enọviẹ gha viẹ.

I Kọrinti 12:26

A deghẹ efẹn ọkpa vbe egbe miẹn obalọ, ehe ni dekẹe hia ghi guee miẹn obalọ nii, a deghẹ a vbe tian ọkpa vbọ, ni dekẹe hia ghi gu ẹe ghọghọ.