II Samuẹl 15:3 - Edo Bible (E Baibol Ẹdo) Version 1996

³ Absalọm ghi kha wẹẹ, “Uma miẹn nian, u te wa rri ase, sokpan, ọmwa ne ọba zẹe ye otọ i rrọọ ne ọ gha guan yọ ne uẹn.”

II Samuẹl 15:3 ပူးပေါင်းရင်းမြစ်များ

II Samuẹl 15:4

Absalọm ghi vbe rhie te ẹe wẹẹ, “Vbọrrọ nian akpawẹ ọmwa ne ọ bu ohiẹn ọ re I khin! Ọmwaikọmwa ne ọ mwẹ ẹzọ sẹtin gha bu mwẹ rre, I ghi bu ohiẹn ẹmwata ne ẹẹn.”

II Samuẹl 8:15

E Devid kegha khaemwisẹ yan Izrẹl hia, ọ keghi gie a miẹn wẹ uyinmwẹ ẹmwata ne ọ gbae ọre a yin ghe emwa hia.

Psalm 12:2

Te iran hia wa ta ohoghe ma egbe. Iran ghi gha ye arhẹrhẹ mu egbe rẹrẹ.

Ẹksọdọs 20:12

“Ya ọghọ ne erha a kevbe iye uẹ ne u miẹn ehe na tọ vbe otọ ne imẹ ya nuẹn.

Ẹksọdọs 21:17

“Omwa ne ọ tie ihẹn ne erha zẹẹ rha iye zẹẹ, te a gha gbe ẹe rua.

Itan 12:2

Ẹko emwa esi ghi gha rhiẹnrhiẹn e Nọyaẹnmwa, sokpan, ọ ghi gha bu abe gbe iran ni zẹ iro emwi dan.

Itan 30:11

Emwa eso rrọ ni tie ẹbọ ne erha iran, iran i vbe rẹn ẹse ne iye ru ne iran.

Itan 30:17

Ọmwaikọmwa ne ọ ya erha ẹe gbogiẹ ra ne ọ zan iye ẹe vbe ọ ghi khian ọmaẹn nẹ, ugu ọ re ọ kere ne ọ rri ọe, ra ne ahianmwẹ oha wọlọ ẹre aro kua.

Ezikiẹl 22:7

“Emwa ni rre avbe okpẹvbo, ne ọ ghi ya ọghọ ne avbe evbibiẹ iran i ghi rrọọ. Wa gbe avbe orhunmwuyẹn rhu, wa keghi mu avbe ẹgbẹe kevbe emọ ne ẹ i mwẹ erha vbuẹvbuẹ.

Daniẹl 11:21

Odibosa nii keghi ye gha rhan otọ ẹre khian, ọ wẹẹ, “Ọba ọvbehe ne ọ ghẹ ghi re lele ẹe vbe Siria gha re ọmwa dan ne ọba ma khẹ ke hiehiere, sokpan, ọ gha rre vbe udomwurri, ọ gha ye ero vbe iwegbe tota ye ẹkete.

Nọmbas 16:3

Iran keghi do si egbe koko ye odaro e Mosis kevbe Errọn, iran tama iran wẹẹ, “Ọwua tua gbe, e Nọyaẹnmwa ọre ọ yan emwa nii hia, e Nọyaẹnmwa vbe rrọ yaba ima hia. Vbọzẹ ne uwẹ ne Mosis na ghi tọn egbe ruẹ mu yan emwa e Nọyaẹnmwa na hia?”

Matiu 15:4

Rhunmwuda Osanobua khare wẹẹ, ‘Ya ọghọ ne erha a kevbe iyuẹ’ kevbe wẹẹ, ‘Ọmwaikọmwa ne ọ kpa unu ghe erha e ra iye ẹe, te a gha gbẹe rua.’

Iwinna 23:5

Pọl wanniẹn wẹ, “Etẹn, I ma rẹn ighẹ Ogie Ohẹn nọ. Rhunmwuda Ebe tae nẹ wẹ, ‘Ohan igie uwẹ ye unu sakan ọmwa ne ọ khaemwisẹ yan emwa ruẹn.’ ”

I Pita 2:17

Wa gha daa ne emwa hia, wa gha hoẹmwẹ ivbi iyayi ne iho uwa, wa gha mu ohan Osanobua, wa gha gbe uhunmwu ke otọ ne Enọgbaisi.

II Pita 2:10

Ibiba avbe emwa ni lele orriarria emwi ohọhọ egbe iran, iran na vbe yagha ẹtin Osanobua. Avbe emamwaemwi ohoghe na keghi re emwa itengbemu, ni vbe ze vbe udu. Iran i ya ọghọ ne emwi ni rrọ ni mwẹ uyi, ni rre odukhunmwu, sokpan, iran ghi gha ya ukpẹ sakan iran.