II Samuẹl 15:25 - Edo Bible (E Baibol Ẹdo) Version 1996

²⁵ Ẹre ọba na khama e Zadọk wẹẹ, “Mu Ẹkpẹti Ile werriegbe gha rrie ore ẹvbo. A deghẹ Nọyaẹnmwa ho ẹmwẹ mwẹ, ọ gha rhie mwẹ werriegbe rre ẹdẹ ọkpa, ne I do bẹghe ẹre ke ẹe kevbe ehe ne a mu ẹẹn yi.

II Samuẹl 15:25 ပူးပေါင်းရင်းမြစ်များ

II Samuẹl 6:17

Iran keghi mu Ẹkpẹti ni rre, iran keghi mu ẹẹn ye ihe ẹre vbe ehe ne Devid mwamwa khẹ ọre. Ọ keghi zẹ ese, ọ na si isara ghe Nọyaẹnmwa.

II Samuẹl 7:2

Ẹre ọba na tama e Natan ne akhasẹ wẹẹ, “Ghe, mẹ rre owa ne a ya sida bọ, sokpan, Ẹkpẹti Ile ọghe Osanobua rre uwu owa ukpọn.”

Psalm 122:1

Ẹko mwẹ rhiẹnrhiẹn, vbe iran tama mwẹ wẹẹ, “Wa gie ima gha rrie owa e Nọyaẹnmwa.”

Psalm 122:9

Rhunmwuda owa ọghe Nọyan Osanobua mwa I na erhunmwu ye umamwẹ ruẹn.

Psalm 26:8

Owa ne u ye wa yẹ mwẹ Nọyaẹnmwa, ehe ne uyi ruẹ ye.

Psalm 84:10

Ẹdẹ okpa ne a yae vbe Ọgua Osa ruẹ maa sẹẹ arriaisẹn ne a yae vbe ehe ọvbehe, I mudia ye onurho owa Osanobua mwẹ, ọ re ọ maa sẹẹ ne I gha rre uwu owa emwa dan.

Ẹksọdọs 15:13

Wẹ nọ mu eyan ruẹn sẹ, u keghi su avbe emwa ne u dẹ werriegbe, ẹtin ruẹn ọre u ya ma iran odẹ, gha rrie owa ruẹ ne ọ huanrẹn.

Ẹksọdọs 33:12

E Mosis keghi tama e Nọyaẹnmwa wẹẹ, “Ẹmwata nọ wẹ ne I viọ emwa na gha rrie otọ nii, sokpan u ma tama mwẹ ọmwa ne u gha gie lele mwẹ. U keghi kha wẹẹ, ‘U rẹn mwẹ ẹsẹse ekhọe ruẹ vbe rhiẹnrhiẹn ghe mwẹ.’

Ẹksọdọs 33:13

Banbanna nian, adeghẹ ẹko ruẹ gele rhiẹnrhiẹn ghe mwẹ, tama mwẹ vbene u mwamwa emwi hia hẹ, ne I miẹn ehe na rẹn kevbe ne I sẹtin gha ru vbene ọ ye ruẹ. U ghi vbe yerre wẹ, agbọn ẹvbo na, emwa ruẹn ọre u zẹ iran ẹre ya khian.”

Aizaia 38:22

Ẹre Hẹzekaia ne ọba na nọ wẹẹ, “Ama vbo ne I ya rẹn wẹ I gha sẹtin yo Ọgua Osa?”

Jerimaia 25:30

“Wẹ ne Jerimaia, ghẹ mwẹ u ma ta uhunmwu ne I gie hia. U ghi tama avbe emwa na wẹẹ, “ ‘E Nọyaẹnmwa gha davan ke ẹrinmwi rre ọ ghi vbe van avan ke ehe ne ọ yo vbe odukhunmwu ẹrinmwi rre, ọ gha van mu emwa rẹn, ọ gha da van vbe okpia ne okpia ne ọ minọ ọmọ erhan ne a ya ru ayọn. Emwa hia ni rre agbọn gha họn urhu ẹre.

Jerimaia 7:4

Wa dobọ ẹmwẹ ne uwa ya rẹrẹ egbe nii yi, ne uwa na kha wẹẹ, ‘Emwi rhọkpa i ra ru mwa! Ọgua Osa e Nọyaẹnmwa ọ re ọna khin, Ọgua Osa ọghe Nọyaẹnmwa ọ re ọna khin, Ọgua Osa ọghe Nọyaẹnmwa ọ re ọna khian!’