II Samuẹl 15:24 - Edo Bible (E Baibol Ẹdo) Version 1996

²⁴ E Zadọk kegha rre evba deba ivbi e Livai ni mu Ẹkpẹti Ile ne ọ huanrẹn. Iran keghi mu ẹẹn ye otọ, emwa hia te do kpao hin ore ẹvbo rre. Abiata keghi vbe gha rre evba.

II Samuẹl 15:24 ပူးပေါင်းရင်းမြစ်များ

II Samuẹl 15:27

Ọ keghi bu Zadọk gha khian, ọ tama rẹn wẹẹ, “Rhie ovbi uẹ ighẹ Ahimaz kevbe Jonatan ne ovbi Abiata, ne uwa werriegbe gha rrie ore ẹvbo vbe ọfumwegbe.

II Samuẹl 15:35

Avbe ohẹn ighẹ Zadọk kevbe Abiata gha rre evba, u ghi ta ẹmwẹ ne u họẹn vbe ẹguae ọba ma iran.

II Samuẹl 20:25

E Siova kegha re ọgbenbe iko ibuohiẹn; e Zadọk kevbe Abiata keghi re avbe ohẹn.

II Samuẹl 6:13

Iran ni mu Ẹkpẹti Ile nii ghẹ ghi vbe zẹ owẹ ehan, e Devid ghi ya ẹkhuia ẹmila kevbe ohuan ne ọ tii zọ ese ghe Nọyaẹnmwa.

II Samuẹl 8:17

E Zadọk ne ovbi Ahitub, kevbe Ahimẹlẹk ne ovbi Abiata kegha re ohẹn; e Seraia kegha re ọgbẹn ebe ikotu.

I Ọba 1:8

Sokpan, e Zadọk ne ohẹn, e Benaia ne ovbi Jehoaida, e Natan ne akhasẹ, e Simẹi, e Rei kevbe emwa ne Devid ya khẹ egbe, ma yobọ ye Adonaija re.

I Ọba 2:26

Ẹre Solomọn ne ọba na tama Abiata ne ohẹn wẹẹ, “Gha rrie Anatọt ne ẹvbo ruẹ. Te ọ te kei ne u wu sokpan, mẹ i ra gbe ue ua nian rhunmwuda, wẹ ọre ọ gha gbe aro ghe Ẹkpẹti Ile vbe u rre ehe ne erha mwẹ ye ighẹ Devid wẹ, vbe ghae vbe uwu ọlọghọmwa rẹn hia.”

I Ọba 2:35

Ọba keghi ya Benaia ru ọkaokuo ye ihe ẹre, ọ na rhie Zadọk ne ohẹn ye ihe Abiata ne ohẹn.

I Krọnikol 15:2

Ẹre irẹn na kha wẹẹ, “Avbe Livai ọkpa ọ re ọ ra gha mu Ẹkpẹti Ile rhunmwuda, iran ọ re Nọyaẹnmwa zẹe ne ọ gha mu ẹẹn, ne iran vbe gha winna ne irẹn ẹdẹdẹmwẹdẹ.”

Ezikiẹl 48:11

Ako nọhuanrẹn na ghi gha re ọghe avbe ohẹn ni re ivbi uniẹn e Zadọk. Ekhọekekhọe ọ re iran ya ga mwẹ, iran ma deba ivbi Izrẹl nekpa ya gha ru emwi dan zẹ vbe ne ivbi ẹwae e Livai nekpa ru.

Nọmbas 4:15

Ọ gha sẹ ẹghẹ ne a ya si kpao vbe agọ, ivbi e Kohat ghi do viọ avbe emwi nihuanrẹn nii, iyeke vbe avbe ivbi ẹre a ghi ya emwi gue ehia kevbe emwi ne a lo ba iran fo nẹ. Wẹ ne ivbi e Kohat ghẹ ye obọ kan emwi nihuanrẹn ni ne iran ghẹ wulo. “Iwinna ne ọ kan ivbi e Kohat vbe ẹghẹ ne a rhirhi ya si vbe agọ ọre ena khin.

Nọmbas 7:9

Sokpan e Mosis ma viọ okotọ kevbe ẹkhuia ẹmila ne avbe Kohat rhunmwuda izabọ iran ya he avbe emwi nihuanrẹn ne a viọ ne iran gha gbe aro ghe.

Jọsua 3:3

Iran keghi tama emwa nii wẹẹ, “Wa gha bẹghe avbe ohẹn vbe iran a mu Ẹkpẹti Ile ọghe Nọyaẹnmwa Osanobua rua, wa rhọ emwi ne uwa lele iran.

Jọsua 3:6

Ẹre Jọsua na tama avbe ohẹn wẹẹ ne iran tọn Ẹkpẹti Ile nii mu ne iran ke odaro ne avbe emwa nii. Iran keghi ru vbene ọ khare.

Jọsua 6:4

Avbe ohẹn ihinrọn ne ọkpọkpa vbọ mu orhu mwẹ obọ, ghi ke odaro ne Ẹkpẹti Ile ọghe Nọyaẹnmwa. Vbe ikpẹdẹ ne ogihinrọn ke uwa kevbe ivbiyokuo ruẹ ghi khian lẹga ẹvbo nii igba ihinrọn, avbe ohẹn ghi gha si orhu nii khian.

Jọsua 6:6

Ẹre Jọsua na tie avbe ohẹn, ọ keghi tama iran wẹẹ, “Wa mu Ẹkpẹti Ile nii, wa ihinrọn ke odaro ne ẹẹn wa ghi viọ orhu mwẹ. Avbe ivbiyokuo ghi ke odaro ne uwa.”

I Samuẹl 22:20

Sokpan, Abiata ne ọkpa vbe uwu avbe ivbi Ahimẹlẹk keghi lẹfua, ọ na bu e Devid gha khian ya deba ẹre.

I Samuẹl 4:11

okuo keghi khọn mu Ẹkpẹti Ile ọghe Nọyaẹnmwa iran keghi gbele Hofnai ke Finihaz ne ivbi Elai eveva.