II Samuẹl 15:2 - Edo Bible (E Baibol Ẹdo) Version 1996

² Ọ gha rhiọrre vbe owiẹ vbirrivbirri, ọ ghi ya mudia ye odẹ vbe ehe ne a la la ore ẹvbo. Ọmwaikọmwa gha dee ne ọ do gu ọba guan vbe ekpa ẹmwẹ ne ọ ho ne ọba guan yi, Absalọm ghi tie ẹre rrie egbe, ọ ghi nọ ehe ne ọ ke rre. Ọmwa nii gha kha wẹẹ, “Enọwanrẹn ẹgbẹe vbenian vbe Izrẹl ọ re I ke rre.”

II Samuẹl 15:2 ပူးပေါင်းရင်းမြစ်များ

Gẹnẹsis 34:20

E Hamọ kevbe Siẹkẹm ne ovbi ẹre kegha rrie ehe ne a na do iko vbe ehe ne a la la ẹvbo nii iran keghi ya gu emwa ẹvbo nii ne iho iran guan wẹẹ,

II Samuẹl 19:8

Ẹre ọba na guakpao, ọ na ya tota ye onurho ne a la la ore ẹvbo. Emwa rẹn keghi họn wẹ, ọ rre evba, iran keghi bu ẹre gha khian ya gbe ẹbu ye ehe ne ọ ye. Vbe ẹghẹ ne a ghi kha na nian, ivbi Izrẹl hia lẹkua nẹ, dọmwadẹ ọghe ọe ghe owa ẹre.

II Krọnikol 10:7

Iran wanniẹn tama rẹn wẹẹ, “Adeghẹ u ya obọ esi mu iran na, u gha ru emwi ne ọ yẹ iran, u na rhie ewanniẹn ne ọ la ehọ ne iran, iran gha ya ekhọe ẹmwata ga a vbe ẹghẹ hia.”

Job 24:14

Ẹdẹ gha da gbe, izigha ghi kpaegbe, ọ ghi ladian ya gbe ovbiogue ua, asọn gha rre, ọ ghi gha rha.

Ẹksọdọs 18:14

Ugbẹn vbe Jẹtro ghi miẹn iwinna hia ne Mosis winna, ọ keghi nọ wẹẹ, “Vbọ khun emwi ne u ru ne avbe emwa na yi. Vbe uwẹ ọkpa na tota hẹ vbene emwa nii hia na do ga ruẹ ke owiẹ ya sẹ asọn?”

Ẹksọdọs 18:16

Arhin eva gha vbe gui, iran ghi vbe bu mwẹ gha dee, I ghi rhie a se ne nọ rri a se, I ghi ta uhi kevbe iyi Osanobua ma iran.”

Ẹksọdọs 18:26

Iran kegha re emwa nii bu ohiẹn ọghe emwa nii, zẹ vbe emwa ne a wa rẹn yọ, iran kegha viọ ẹzọ nii lọghọ nii rrọọ bu e Mosis rre, sokpan iran na tobọ iran gha bu ohiẹn ẹzọ ne giẹrẹ nii rrọọ.

Itan 4:16

Emwa dan i miẹn ovbe vbiẹ vbe ẹ i re te iran ru emwi eso ne ọ ma gba nẹ. Iran ghi rhan aro ua ye ukpo, sokpan te iran ghi kuan emwa eso nẹ.

Daniẹl 11:21

Odibosa nii keghi ye gha rhan otọ ẹre khian, ọ wẹẹ, “Ọba ọvbehe ne ọ ghẹ ghi re lele ẹe vbe Siria gha re ọmwa dan ne ọba ma khẹ ke hiehiere, sokpan, ọ gha rre vbe udomwurri, ọ gha ye ero vbe iwegbe tota ye ẹkete.

Matiu 27:1

Vbe owiẹ vbirrivbirri, avbe igie ohẹn hia kevbe avbe ediọn avbe Ju keghi ya si uma ne iran gbe Jesu ua.

Diuteronomi 17:8

“U gha ghe a ghi miẹn ẹzọ eso ne ọ wegbe sẹ ọmwa ne ọ bu ohiẹn ọghe ẹvbo nii ẹi mwẹ emwi ne ọ re ọghe ọmwa, ra ẹmwẹ ikuan egbe ye, ẹmwẹ nii laghe vbene izigha ra izigha ọyẹvbu ye. Ọ gha ye vberriọ, wa ghi gha rrie ihe ọkpa ni ne a na ga ni ne Nọyaẹnmwa ne Osanobua uwa zẹe.

Ebe Rut 4:1

E Boaz kegha rrie ehe ne a na ko vbe onurho ẹvbo nii, ọ na tota. Uwu ẹghẹ nii zẹẹ, ọtẹn Ẹlimẹlẹk ne ọ sikẹ ọre sẹẹ ne Boaz gha a kha keghi wa rre, e Boaz na tama rẹn wẹẹ. “Ọse mwẹ, larre ne u do tota vbe edinran.” Rẹn keghi gele bu ẹre, ọ na ya tota.