II Samuẹl 15:10 - Edo Bible (E Baibol Ẹdo) Version 1996

¹⁰ Sokpan, ọ keghi gie ya tama ẹwae ni rre Izrẹl hia wẹẹ, “Wa gha họn vbe a kpe okpe, wa ghi kha wẹẹ, ‘Absalọm rriọba nẹ vbe Hibrọn!’ ”

II Samuẹl 15:10 ပူးပေါင်းရင်းမြစ်များ

II Samuẹl 13:28

Ọ keghi tama avbe eguọmwadia ẹre wẹẹ, “Wa gha baba Amnọn, ọ gha ghi da gbe egbe nẹ, I gha tama uwa, wa ghi gbe ẹe rua. Wa ghẹ gie ohan mu uwa. Uhunmwu imẹ tobọ mwẹ ọ re ọ ye, wa din, wa ghẹ ru ẹe ghẹghẹghẹ!”

II Samuẹl 14:30

Rhunmwuda ọnii, ọ keghi tama avbe eguọmwadia ẹre wẹẹ, “Ghe, ugbo e Joab ọre ọ diake ọghomwẹ, ọka wa vbe zọ vbọ. Wa ya mu erhẹn yọ.” Iran na gele ya mu erhẹn ye ugbo nii.

II Samuẹl 15:9

Ọba keghi khama rẹn wẹẹ, “Gha khian vbe ọfumwegbe.” Ẹre Absalọm na gha rrie Hibrọn.

II Samuẹl 19:10

Ma ọ re ọ ma Absalọm ọba, sokpan, iran gbe ẹe rua vbe okuo. Vbọzẹ khekherriọ ne a ma na miẹn ọmwa ne ọ gha hia ne a rhie Devid ne ọba dọlegbe rre?”

II Samuẹl 2:1

Vbe iyeke ọna, e Devid keghi nọ e Nọyaẹnmwa wẹẹ, “Ne I gha khian ya mu ọkpa vbe ẹvbo ni rre Juda ne I gha khaemwisẹ yan rẹn ra?” E Nọyaẹnmwa keghi wanniẹn wẹẹ, “Gha khian.” E Devid keghi nọ wẹẹ, “De ne ọ khin vbọ yi?” E Nọyaẹnmwa tama rẹn wẹẹ, “E Hibrọn.”

II Samuẹl 2:11

Rẹn keghi vbe ya ukpo ihinrọn vbe ukhiọnmwẹ gha khaemwisẹ yan iran vbe Hibrọn.

II Samuẹl 5:5

Ọ keghi ya ukpo ihinrọn vbe ukhiọnmwẹ rriọba yan Juda vbe Hibrọn, ọ keghi vbe ya ukpo eha-yan ọgban rriọba yan ivbi Izrẹl vbe Jerusalẹm.

I Ọba 1:11

Ẹre Natan na bu Batsiẹba ne Iye Solomọn, ọ keghi nọ rẹn wẹẹ, “U ma he họn ra ighẹ Adonaija ne ovbi e Hagit ma egbe ẹre ọba? Kevbe wẹ e Devid ne ọba ma zẹdẹ rẹn vbe ekpa ẹre!

I Ọba 1:34

ne Zadọk kevbe Natan ma ẹre ọba Izrẹl vbe evba, iyeke ọnii, wa ghi kpe okpe ne uwa datu wẹẹ, ‘E Solomọn ne ọba gha tọ ọ kpẹre.’

II Ọba 9:13

Vbe ọwarọkpa nii, avbe ọkaokuo ne ihua e Jehu keghi wa ẹwu iran ye ikpawẹ ne ọ ke ukhunmwu, iran keghi kha wẹẹ, “E Jehu rriọba!”

I Krọnikol 11:3

Rhunmwuda ọnii, avbe ekaolotu ivbi Izrẹl hia keghi bu e Devid gha die Hibrọn, ọ na yo ulamwẹ ne iran, iran tue ori ye ọre uhunmwu iran keghi ma ẹre ọba Izrẹl zẹ vbene Nọyaẹnmwa la unu e Samuẹl tae zẹẹ.

I Krọnikol 12:23

Ẹghẹ ne Devid na gha rre Hibrọn, ivbiyokuo ne a ma ẹre emwi ni bun ọre ọ ya deba ẹre ne iran ru iyobọ ya ma ẹre ọba zẹ vbene Nọyaẹnmwa tae ye otọ. Avbe iran ni ọ re ena khin: E Juda: arhin uri i rrọ vbe arriaisẹn ihinrọn (6,800) ni mwẹ emwi igbinna ọghe asa kevbe asoro. E Simiọn: arhin iyisẹn yan arriaisẹn ihinrọn (7,100) ne a ma ẹre emwi ẹsẹse; E Livai: arhin arria eha yan arriaisẹn enẹ (4,600); Ivbi uniẹn Errọn ni lele Jehoiada: iyisen yan arriaeha yan arriaisẹn eha (3,700); Etẹn e Zadọk ne ọmọ ne igbinna gua ẹre obọ ro kegha re arhin eva yan ugie (22) nihiunsi; Bẹnjamin (uniẹn e Sọl tobọre): arhin arriaisẹn eha (3,000). Iran nibun sẹ vbe Bẹnjamin ọ re ọ wa yegbe ba e Sọl; Ifreim: arria enẹ yan arriaisẹn ugie (20,800) ni wa hin usi vbe ẹwae iran; E Manasẹ ne orrie: arhin arriaisẹn evairrọ vbe ugie (18,000) ne a zẹe ne iran ya ma Devid ọba. Isaka: Ekaolotu uri (200) deba emwa ni rre ototọ asẹ iran (avbe ekaolotu na rẹn emwi ne ọ kere ne Izrẹl ru ke ẹghẹ ne ọ ke yi ne a ya ruẹe;) E Zebulọn: arhin arriaisẹn ekigbe siyeha (50,000) emwa ni gie a ya egbe yan kevbe ni mu egbe vbe ẹghẹ hia ni iran ya gbinna, emwa ne a ma ẹre emwi vbene a lo emwi igbinna ne ọ rhirhi a gha khin hẹ; E Naftali: avbe ekaolotu arriaisẹn (1,000) do deba arhin arriaisẹn ehairrọ vbe iyeva (37,000) ne a viọ emwi igbinna asa kevbe asoro na; E Dan: arhin arriaeha yan arriaisẹn evairrọ vbe ọgban (28,600) ne a ma ẹre emwi; Asia: arhin arriaisẹn iyeva (40,000) ni mu egbe ne iran ya gbinna vbe okuo. Ẹwae ni rre odẹ ahọ e Jọdan kegha re Riubẹn, e Gad kevbe Manasẹ ne odẹ Ahọ: Arhin arriaisẹn iyehan (120,000) ne a ma ẹre vbene a lo emwi igbinna ne ọ rhirhi gha khin hẹ.

I Krọnikol 12:38

Avbe ivbiyokuo na hia ni wa mu egbe okuo kegha rrie Hibrọn vbene iran na yan yọ wẹ te iran ra ma e Devid ọba Izrẹl hia. Iran ne ivbi Izrẹl ni dekẹe hia, emwi ọkpa ni ọre ọ rre iran ekhọe vbe emwi ne iran wẹ iran ra ru.