II Samuẹl 15:1 - Edo Bible (E Baibol Ẹdo) Version 1996

¹ Vbe iyeke ọnọna, Absalọm keghi ya viọ ẹsin kevbe ikẹkẹ okuo, deba ivbiyokuo ekigbesiyeha ne ọ gha rhulẹ ke odaro ne irẹn.

II Samuẹl 15:1 ပူးပေါင်းရင်းမြစ်များ

II Samuẹl 12:11

I vbe yan ma ruẹn nian wẹ I gha ru ẹe ne ovbi uwowa ruẹ gha si ọlọghọmwa ye uẹ egbe. U gha ye aro miẹn uẹn vbe I gha viọ avbe amwẹ ọẹn ne okpia ọvbehe, ọ ghi gha gu iran ru emwi ọdọ vbe amwẹ vbe ogiavan ogioghogho.

I Ọba 1:33

rẹn keghi tama iran wẹẹ, “Wa viọ avbe ukọ ne iwẹguae mwẹ ba egbe, wa mu ẹ Solomọn ne ovbi mwẹ yan ekẹtẹkẹtẹ mwẹ, ne ọ hin ẹnrẹn ne uwa lele ẹe gha rrie Ẹzẹ Gihọn,

I Ọba 1:5

Ugbẹn vbe Absalọm ghi wu nẹ, Adonaija ne ovbi e Devid kevbe Hagit, keghi do gha re ọdiọn vbe emọ ni ghi ke ẹe. Rẹn kegha re ọmwa ne ọ mose ẹsẹse, ọ keghi wa vbe rhie aro yọ wẹ rẹn gha rriọba. E Devid ma he vbe zẹ okan guẹ ẹe gui ye emwirhọkpa ẹdẹ. Ọ keghi dẹlẹ ikẹkẹ okuo kevbe ẹsin ne egbe ẹre, deba arhin ekigbe siyeha ni lele ẹe khian.

Psalm 20:7

Arhin eso mu ẹtin yan ikẹkẹ okuo iran, eso vbe mu ẹtin yan ẹsin iran. Sokpan ma mu ẹtin yan ẹtin e Nọyaẹnmwa ne Osanobua ima.

Itan 11:2

Emwa ni tọn egbe mu gha fa egbe ua wan, aro emwi uhẹn uhẹn ọ re ẹwaẹn ye sẹ.

Itan 16:18

Te uhiomwẹ khian rrie odẹ ọfuan, itengbemu ọ re ọ vbe si udemwẹ.

Itan 17:19

Ọmwa ne orukhọ yẹẹ, ẹti ne a si ọ re ọ vbe ye ọre. U gha wa gha rhuọ vbe ẹghẹ hia, orueghe ọre u fie ho.

Diuteronomi 17:16

Ọ ma kei ne ọba gha mwẹ ẹsin ni bun, ne ọ gha re ọghe ivbiyokuo ẹre, ọ ghẹ vbe gie emwa gha rrie Igipt ya dẹlẹ ẹsin rre, rhunmwuda, e Nọyaẹnmwa ta ẹe wẹ emwa irẹn i ra dọlegbe gha rrie odọ.

I Samuẹl 8:11

E Samuẹl keghi kha wẹẹ, “Vbene ọba uwa khian ru uwa ọ re ena khin; ọ gha ya ivbi uwa hia khian ivbiyokuo. Eso vbọ gha winna vbe ikẹkẹ okhuae ọghe okuo ẹre, eso vbe uwu iran ni ọ ra gha gbinna ne ẹẹn, eso vbọ ghi vbe gha rhulẹ vbe odaro ikẹkẹ okuo ẹre.