II Samuẹl 14:33 - Edo Bible (E Baibol Ẹdo) Version 1996

³³ Ẹre Joab na bu ọba Devid gha khian ya tama rẹn vbene Absalọm kha hẹẹ. Ọba keghi gie ne a tie Absalọm ọ keghi bu ẹre gha khian, ọ na mu ẹko rhu otọ ne ẹẹn.

II Samuẹl 14:33 ပူးပေါင်းရင်းမြစ်များ

Gẹnẹsis 27:26

Erha ẹe keghi tama rẹn wẹẹ, “Sikẹ mwẹ ovbi mwẹ ne u do ya unu soso mwẹ unu.”

Gẹnẹsis 33:4

Sokpan Isọ keghi ya rhulẹ vba ẹre, ọ keghi viọ obọ kinnọ ẹre urhu, ọ siẹe kẹ egbe ọ na ye unu soso ẹre unu. Iran e eva kegha viẹ.

Gẹnẹsis 45:15

Vbe iyeke ọnii, ọ keghi mu unu soso etiọnrẹn hia fẹẹrẹ unu, ọ keghi viẹ vbe ne ọ gba iran ginna egbe.

II Samuẹl 15:5

Ọmwa ni ghẹ ghi sikẹ Absalọm ne ọ diguẹ tuẹ ọe, Absalọm ghi mu ẹẹn, ọ ghi si ẹe ke ẹe gbe, ọ ghi mu unu soso ẹre unu.

II Samuẹl 19:39

Ẹre Devid vbe emwa rẹn hia na do fian e Jọdan rra. Ọ keghi mu e Bazilai unu hiẹnhiẹn, ọ na na erhunmwu ne ẹẹn, ẹre Bazilai na dọlegbe gha rrie owa.

I Ọba 1:53

E Solomọn ne ọba keghi gie ne a tie Adonaija, ọ na we ne a ya rhie ẹre ke Ogiukpo gha dee, Adonaija keghi bu ọba gha khian, ọ na vbokho uhunmwu rre vbe odaro ẹre. Ọba keghi khama rẹn wẹẹ, “U sẹtin gha rrie owa.”

Iyẹn ne ọ Maan Ọghe Luk 15:20

Ọ keghi kpao bu erha ẹe gha khian. “Urria gbaan ọre ọ he ye vbe erha ẹe dẹghe ẹre, ekhọe nọẹn ruan, ọ na rhulẹ bu ẹre, ọ gba ẹe ginna egbe, ọ na mu ẹre unu hiẹnhien.