II Samuẹl 14:32 - Edo Bible (E Baibol Ẹdo) Version 1996

³² Absalọm keghi wanniẹn wẹẹ, “I gie ne a tie ruẹ wẹ ne u gha de ne I giọ ne u ya tuẹ yi mwẹ vbe ọghe ọba. Vbe i a ghi kpao vbe Gẹsiọ gha die edinran baa. I ma rẹn ne I wa tota vbe odọọ.” Absalọm keghi rhie te ẹe wẹẹ, “I ho ne u mwamwa ẹẹn ne I miẹn ọba aro. A deghẹ I rri abe wẹ ne ọ gbe mwẹ uan.”

II Samuẹl 14:32 ပူးပေါင်းရင်းမြစ်များ

Gẹnẹsis 3:12

Okpia nii ke wanniẹn wẹẹ, “Okhuo ne u ma rhie ke mwẹ, ọre ọ rhie ọmọ erhan nii mẹ, mẹ keghi rriọe.”

II Samuẹl 13:37

Absalọm na lẹ bu ọba Gẹsiọ ighẹ Talmai ne ovbi e Amihud gha khian. E Devid keghi ya ẹghẹ ne ọ taẹn khiẹ Amnọn ne ovbi ẹre. Absalọm keghi gbe ukpo eha vbe Gẹsiọ.

II Samuẹl 14:31

E Joab kegha rrie owa Absalọm, ọ keghi nọ wẹẹ, “Vbọzẹ ne eguọmwadia ruẹ na mu erhẹn yọmwẹ ugbo yi.”

II Samuẹl 3:3

Ne ogieva kegha re Kiliab, ne a tie iye ẹe Abigẹl ne ọ de ẹgbẹe vbe obọ Nabal ne ovbi Kamẹl; ne ogieha kegha re Absalọm, ne a tie iye ẹe Maaka, ovbi e Talmai ne ọba Gẹsiọ;

Psalm 36:2

Rhunmwuda ukpo ne ọ yo ne ọ ro egbe ẹre yi, rẹn ro wẹ, Osanobua i ra miẹn otọ orukhọ ẹre, ne ọ bu abe gbẹe.

Ẹksọdọs 14:12

Ma ma tama ruẹn ẹghẹ nii vbe a te kpao wẹ enian ọ ra sunu? Ma na kha wẹẹ, ‘Hẹko sẹ mwa rae, ma gha re eviẹn ivbi Igipt.’ Ọ gha te fu ima egbe ne ima gha re eviẹn sẹ nii ima do wulo ye ato vbe emwa na.”

Ẹksọdọs 16:3

Iran wẹẹ, “E Nọyaẹnmwa wa gbele ima ye Igipt ọre ọ te maa sẹ. Evba ma gha na te gha tota ke ọkpan emiowo, ma ghi vbe gha rri evbare vbene ọ khọn mwa sokpan wa viọ ima la uwu ato na ne uwa do ya ohanmwẹ gbele ima an.”

Ẹksọdọs 17:3

Sokpan ohanmwẹ amẹ kegha kakabọ gbe emwa nii, iran na gha gui ẹzọ Mosis. Iran wẹẹ, “Vbọzẹ ne u na hẹ ima ke Igipt ladian? te u wẹ ne u do ya ohanmwẹ amẹ gbele ima an ra, ke emọ kevbe emwirri?”

Itan 28:13

U gha gbe gue orukhọ ruẹ, agbọn i maa ruẹn ẹdẹ, miẹn iran kue ne u vbe zobọ vbọ, Osanobua gha tohan ruẹn.

Jerimaia 8:12

Wa ne emwa mwẹ, ekhue mu uwa yọ ra vbe uwa ru ẹkẹkhẹrhẹ na? Hiehiere! Ekhue ma zẹdẹ mu uwa. Wa ma kue rẹn vbene emwi gbe ọmwa egbe hẹ. Rhunmwuda ọnii, wa gha dele zẹ vbene emwa nekpa vbe dele. I gha rri uwa oya, ọnii ọ re ọ khian gha re ufomwẹ uwa. Mẹ ne Nọyaẹnmwa taa ẹe nẹ.

Matiu 25:44

Ẹkpo nii iran ghi wanniẹn tama rẹn wẹẹ, ‘Nọyaẹnmwa, de ẹghẹ ne ima ya miẹn uẹn vbe ohanmwẹ gbuẹ ne ima ma na rhie evbare nuẹn, ra vbe ohanmwẹ amẹ gbuẹ, ra zẹ vbe erhunmwuyẹn ra vbe u rre irhunmwirhun ra vbe u khuọnmwi ra vbe u rre uwu eghan ne ima ma na ru iyobọ nuẹn?’

Ebe ne Pọl gbẹẹn gie emwa Rom 3:19

Ma rẹnrẹn wẹ emwa ne ọ yan Uhi ọre emwi ne ọ rre Uhi kan rẹn, ne a miẹn ehe na gbe ukhu aho gui emwa ne agbọn rua, ne a mu agbọn na hia ye obọ ibuohiẹn Osanobua.

I Samuẹl 15:13

E Samuẹl keghi bu e Sọl, e Sọl keghi tuẹ ọe wẹẹ, “E Nọyaẹnmwa ne ọ fiangbuẹ e Samuẹl. I ru nẹ zẹ vbene ọ kha re.”

I Samuẹl 20:8

Lahọ, u ghi ru mwẹ ẹse na, ne u ye ihẹn ne ima vẹn ne egbe rre. Sokpan, a deghẹ I rri abe, tobọ gbe mwẹ uan. Vbọzẹ ne u gha na rhie mwẹ gie erha gbe ua?”