II Samuẹl 14:3 - Edo Bible (E Baibol Ẹdo) Version 1996

³ U ghi bu ọba gha khian ya tama rẹn emwi ne I wẹ ne u tama rẹn.” Ẹre Joab na tama rẹn ẹmwẹ ne ọ gha ta.

II Samuẹl 14:3 ပူးပေါင်းရင်းမြစ်များ

II Samuẹl 14:19

Ọ na nọ rẹn wẹẹ, “E Joab ọ re ọ kun ẹmwẹ na mu ye uẹ obọ ra?” Okhuo ni wanniẹn wẹẹ, “I ya emwi ni ghi re ni huanrẹn vẹn ihẹn Umogun, we a i miẹn ehe gọgọ ẹmwẹ ruẹn na la, ne a ghẹ rhie ewanniẹn yọ. E Joab ne ọka iwinna ruẹn ọ re ọ tama mwẹ emwi ne I gha ru kevbe ẹmwẹ ne I gha ta.

II Samuẹl 14:4

Okhuo nii keghi bu ọba gha khian, ọ vbokho egbe rriotọ vbe ọghọ ọ keghi kha wẹẹ, “Yọ mwẹ obọ, Umogun!”

Ẹzra 8:17

I keghi gie iran bu Ido ne ọkaolotu iran ni rre Kasafia, ne ọ ya tama rẹn kevbe avbe ihua ẹre ne iran gba winna vbe uwu Ọgua Osa, ne iran gie emwa bu ima gha dee ne iran do gha ga Osanobua vbe uwu Ọgua Osa.

Ẹksọdọs 4:15

U sẹtin guẹe guan ne u vbe gha tama rẹn ẹmwẹ ne ọ gha guan. I gha ya uwa eveva obọ ne u wa sẹtin guan. I gha vbe tama uwa eva emwi ne uwa gha ru.

Aizaia 51:16

Mẹ ọ re ọ tan iso yotọ, I keghi vbe gbe ẹyotọ agbọn I tama Jerusalẹm wẹẹ, ‘Emwa mwẹ wa khin I maa uwa emwi ọghomwẹ nẹ, obọ mwẹ ọ re i ya degue uwa.’ ”

Aizaia 59:21

I rhie ẹtinmwẹ kevbe iruẹemwi mwẹ ne uwa, ne ọ gha re ọghe uwa ẹdẹdẹmwẹdẹ, ke ẹghẹ na gha rae te uwa ra gha họn ẹmwẹ mẹ, wa ghi ma ivbi uwa, kevbe ivbi uniẹn uwa ẹre ne iran gha họn ẹmwẹ mẹ ẹdẹdẹmwẹdẹ.”

Jerimaia 1:9

Ẹre Nọyaẹnmwa na niẹn obọ ladian ọ keghi ya ẹe kaan mwẹ akhuarhamwunu, ọ na tama mwẹ wẹẹ, “Danmwehọ, ẹmwẹ ne u ra ta ọ re I tama ruẹn na.

Nọmbas 23:5

E Nọyaẹnmwa keghi gie Balam werriegbe bu e Balak gha khian ne ọ ya tama rẹn uhunmwu ne irẹn gie.

Diuteronomi 18:18

I gha gie akhasẹ vbe ruẹ ke uwu emwa iran gie iran; I gha tama rẹn ẹmwẹ ne ọ gha ta, irẹn ghi vbe rhie iyi ne I yi hia ma iran.