II Samuẹl 14:27 - Edo Bible (E Baibol Ẹdo) Version 1996

²⁷ Absalọm kegha mwẹ emọ ikpia eha kevbe ọmọ okhuo ọkpa ne a tie ẹre Tama, ọ keghi wa gha re okhuo ne ọ mose ẹsẹse.

II Samuẹl 14:27 ပူးပေါင်းရင်းမြစ်များ

II Samuẹl 11:2

Ẹdẹ ọkpa, vbe ẹdẹ ghi ye egbe rrie odẹ ẹdogbota nẹ, e Devid keghi kpaegbe vbe ovbe avan ne ọ vbiẹre, ọ keghi hin egedege ẹguae. Ọ kegha hẹko khian lẹga vbe odukhunmwu nii, evba ọ re ọ na ya bẹghe okhuo ne ọ khuẹ. Okhuo na keghi wa mose ẹsẹse.

II Samuẹl 13:1

Absalọm ne ovbi e Devid kegha mwẹ ovbiye okhuo ọkpa ne ọ mose ẹsẹse, a kegha tie ẹre Tama. Ọkpa ne a tie eni ẹnrẹn Amnọn vbe ivbi e Devid keghi gha ho ẹmwẹ ọnrẹn.

II Samuẹl 18:18

Vbe ẹghẹ ne ọ na rre agbọn, Absalọm keghi ma ibiriki ayere ọkpa ne egbe ẹre vbe Iya Ọba, rhunmwuda ẹ i mwẹ ọmọ okpia ne ọ gha mu ẹgbẹe ọghe ọe gbọ. Ọ keghi he ẹre eni egbe ẹre. Do sẹ ẹdẹnẹrẹ, Ibiriki Ayere Absalọm ọ re a ye tie ẹre.

Aizaia 14:22

E Nọyaẹnmwa ne Oghodua khare wẹẹ, “I gha dekun e Babilọn, I ghi rẹnkhọẹn ruan. I i ra vbe sẹ emwiọkpa rae yọ, ọ re emọ nọ ra emwa, ni gha miẹn uhunmwu irrọọ. Mẹ ne Nọyaẹnmwa ọ re ọ tae.

Jerimaia 22:30

“A bu abe gbe ọmwa na nẹ ne ọ gha re ọmwa ne emọ gha wulo, ne ọ gha re ọmwa ne emwi i ra dunna na. Ẹ i ra gha mwẹ emọ ne ọ gha rriọba vbe Juda zẹ vbe iran ni mudia ye ihe Devid. Mẹ ne Nọyaẹnmwa ọ re ọ taa ẹe.”