II Samuẹl 14:2 - Edo Bible (E Baibol Ẹdo) Version 1996

² Rhunmwuda ọnii, e Joab keghi gie ne a tie okhuo ne umẹwaẹn ọkpa ne ọ rre Tẹkoa wẹ ne ọ bu irẹn gha dee. Ọ keghi tama okhuo nii wẹẹ, “Ba ru vbene a miẹn wẹ akhiẹ ọ re u ye, viọ ukpọn akhiẹ ye egbe, ghẹ vbe salọ eto ruẹ. U ghi ru zẹ vbe okhuo ne ọ kpẹre ne ọ kegha khiẹ.

II Samuẹl 14:2 ပူးပေါင်းရင်းမြစ်များ

Gẹnẹsis 38:19

E Tama keghi guakpao, ọ na gha rrie. Ọ keghi ban ukpọn ne ọ mu gue aro hin, ọ keghi dọlegbe viọ ukpọn ẹgbẹe ye egbe.

II Samuẹl 11:26

E Batsiẹba ghi họn ighẹ iran gbe ọdọ ẹre ua, ọ keghi khiẹ ọre.

II Samuẹl 12:20

E Devid keghi kpaegbe vbe otọ, ọ keghi ya khuẹ, ọ salọ eto, ọ na fi ukpọn werriẹ. Ọ kegha rrie uwu owa e Nọyaẹnmwa, ọ na ya ga ẹe. Ọ ghi dọlegbe sẹ ẹguae, ọ keghi nọ evbare, ọ na wa rri ọe ọwarọkpa vbe a mu ne ẹẹn nẹ.

II Samuẹl 20:16

Edede ọkpa ne umẹwaẹn keghi rre ẹvbo nii, ọ keghi niẹn urhu davan ke ekẹn nii rre wẹẹ, “Wa danmwehọ! Wa tama e Joab ne ọ larre edinran ighẹ I ra gu ẹe guan.”

I Ọba 14:2

E Jeroboam keghi tama ọvbokhan rẹn wẹẹ, “Fi egbe werriẹ mu egbe vbene ọmwa rhọkpa i ra na rẹn ruẹn ne u gha rrie ọghe Ahija ne akhasẹ vbe Silo, rẹn ọ re ọmwa ne ọ ta ẹe ighẹ I gha rriọba vbe Izrẹl.

I Ọba 14:5

E Nọyaẹnmwa tama rẹn nẹ wẹ amwẹ e Jeroboam dee do nọ rẹn vbene ọ gha ye ovbi ẹre ne egbe ma rran hẹ. E Nọyaẹnmwa keghi tama Ahija ẹmwẹ ne ọ gha ta. Amwẹ Jeroboam ghi rre, ọ keghi ba gha ru vbe ọmwa ọvbehe.

II Krọnikol 11:6

E Bẹtlẹhẹm, Etam, e Tẹkoa,

II Krọnikol 20:20

Owiẹ vbirrivbirri vbe ẹdẹ ne ọ lelẹe, emwa nii hia kegha rrie uwu ẹgbo ne ọ rre ọkpẹn Tẹkoa. Iran ghi ra wa ladian gha khian, e Jehosiafat keghi tama iran wẹẹ, “Ivbi e Juda kevbe Jerusalẹm, wa mu ẹtin yan e Nọyaẹnmwa ne Osanobua uwa, wa ghi vbe mudia gbain. Wa ya avbe ẹmwẹ ne akhasẹ ẹre tama uwa yi, ọ gha vbe dinnodẹ ne uwa.”

Nehimaia 3:27

Emwa Tẹkoa ọre ọ bọ ako ne ọ lele ẹe, ọna ọ re ogieva ne iran bọe, ọ keghi mu aro da owa ọkhẹ ne ọ yo, ne ọ khẹ Ọgua Osa rhinrin ya sẹ ekẹn Ofẹl.

Nehimaia 3:5

Emwa ni rre Tẹkoa ọ re ọ bọ ako ne ọ diake ẹe sokpan, iran ni hiunsi vbe ẹvbo ni ma winna iwinna ne a ye ẹtin ru ne avbe ekaolotu mu ne iran.

Psalm 104:15

Ọ ghi vbe ru ayọn ne ọ ya ẹko ẹre rhiẹnrhiẹn, ofigbọn oliv ne ọ ya ekhọe ẹre rhiẹnrhiẹn, kevbe ebrẹd ne ọ rhie ẹtin ne ẹẹn.

Asan-Ibo 9:8

Gie ọyẹnmwẹ gha sẹ uwẹ vbe ẹghẹ hia ne u vbe gie aro gha ma ruẹn vbe uhunmwu.

Jerimaia 6:1

Uvbi e Bẹnjamin, wa lẹ ne uwa rhie uhunmwu hin ẹbe rre! Wa lẹ ladian vbe Jerusalẹm! Wa kpe okpe vbe Tẹkoa, ne uwa hie erhẹn orhiema ye Bẹt-Hake-rẹm, ọkhọ kevbe omurhia ra ke odẹ okuọ gha dee.

Emọs 1:1

Ẹmwẹ Emọs ne Ọsuohuan ne ovbi ẹvbo ne a tie ẹre Tẹkoa ọ re ena khin. A ghi tie ẹre ukpo eva ne igbohiotọ ra sunu, vbe ẹghẹ ne Uzaia na gha re ọba e Juda, e Jeroboam na vbe gha re ọba Izrẹl, Osanobua keghi rhie emwi na hia vbe ekpa Izrẹl ma Emọs.

Matiu 6:17

Wẹ gha rre aguẹ, sa amẹ kpe aro ua, salọ eto ruẹ,

Ebe Rut 3:3

Rhunmwuda ọnii, ya khuẹ ye ori ne ọ winhin wuo, ne u viọ ukpọn ruẹn ni maa sẹẹ ye egbe, ne u gha rrie ehe ne ọ na khuọn ọka, sokpan, ghẹ gie ẹe rẹn ighẹ u rre evba ọ te do re ke ne ọ vbe da fo.