II Samuẹl 14:19 - Edo Bible (E Baibol Ẹdo) Version 1996

¹⁹ Ọ na nọ rẹn wẹẹ, “E Joab ọ re ọ kun ẹmwẹ na mu ye uẹ obọ ra?” Okhuo ni wanniẹn wẹẹ, “I ya emwi ni ghi re ni huanrẹn vẹn ihẹn Umogun, we a i miẹn ehe gọgọ ẹmwẹ ruẹn na la, ne a ghẹ rhie ewanniẹn yọ. E Joab ne ọka iwinna ruẹn ọ re ọ tama mwẹ emwi ne I gha ru kevbe ẹmwẹ ne I gha ta.

II Samuẹl 14:19 ပူးပေါင်းရင်းမြစ်များ

II Samuẹl 11:11

Uraia keghi wanniẹn wẹẹ, “Ikpia hia ni rre Izrẹl kevbe Juda kpao vbe owa gha rrie okuo, Ẹkpẹti Ile vbe deba iran gha rre evba, e Joab ne ọkaokuo imẹ kevbe avbe emwa ni rre asẹ vbe ototọ ẹre hia rre oha. Vbe imẹ ghi ra gha rrie owa hẹ, ne I ya gha re, ne I ya gha da, kevbe ne I ya gha tie ọvbokhan mwẹ ovbe. A rrie agbọn, a rrie ẹrinmwi, I i danmwẹ emwi vberriọ.”

II Samuẹl 14:18

Ọba keghi wanniẹn wẹẹ, “I khian nọ ruẹn ọta ọkpa, u ghi ta ẹmwata ne ọ rrọọ hia ma mwẹ.” Okhuo nii keghi wanniẹn wẹẹ, “Nọ mwẹ ọta ne ọ rhirhi khọn ruẹn, Umogun.”

II Samuẹl 14:3

U ghi bu ọba gha khian ya tama rẹn emwi ne I wẹ ne u tama rẹn.” Ẹre Joab na tama rẹn ẹmwẹ ne ọ gha ta.

II Samuẹl 18:13

Sokpan akpawẹ te I ya iyin ehọ gbe Absalọm rua, ọba gha họn ẹmwẹ na, a i miẹn ẹmwẹ nẹ i họn, wẹ i ghẹ sẹtin fan mwẹ vbọ.”

II Samuẹl 3:27

Abna ghi sẹ Hibrọn, e Joab keghi rhie ẹre ghe efẹn ọkpa vbe onurho ẹvbo vbe ne a miẹn wẹ te ọ ra si ẹre uma, ọ keghi bi agbada ye ọre ẹko vbe evba. Rhunmwuda ọnii, iran keghi gbe Abna an, rhunmwuda ne ọ na gbe Asahẹl ne ọtẹn Joab.

II Samuẹl 3:29

Uhunmwu ọ re Joab kevbe ẹgbẹe ọre gha ya khiọ re. Ke orre ya sẹ orre, te a gha miẹn vbe uwu ẹgbẹe ọre ne ọ khuọnmwi atọrhi ra emwirregbekẹn, ra ne a miẹn wẹ iwinna okhuo ọkpa ọ re ọ sẹtin winna, ra ne a gbe ua vbe okuo, ra ne ẹ i miẹn evbare unu re!”

II Samuẹl 3:34

A ma gba ẹre obọ, a ma rro ẹre owẹ ọ wu zẹ vbe ọmwa ne izigan gbe.” Avbe emwa ni keghi dọlegbe kpe orhu eve ua ya viẹ ọe.

II Ọba 2:2

A ghi sẹ odẹ, Elaija keghi tama Elaisia wẹẹ, “Mudia vbe emwa na; e Nọyaẹnmwa wẹ ne I gha rrie Bẹtẹl.” Sokpan, Elaisia wanniẹn wẹẹ, “I ya ekhọe ne I ya yin uyinmwẹ ẹmwata ghe Nọyaẹnmwa ne ọ rrọọ kevbe uwẹ vẹn ihẹn wẹ mẹ i ra sẹ uẹ rae.” Ẹre Iran na gha rrie Bẹtẹl.

Ẹksọdọs 4:15

U sẹtin guẹe guan ne u vbe gha tama rẹn ẹmwẹ ne ọ gha guan. I gha ya uwa eveva obọ ne u wa sẹtin guan. I gha vbe tama uwa eva emwi ne uwa gha ru.

Itan 25:2

Emwi ne Osanobua viọ lẹre ọ re ọ ya ima yi ọghọ nẹẹn, emwi ne avbe ọba rhan otọ ẹre, ọ re ọ ya ima rhie ọghọ ne iran.

Itan 4:27

Gha lẹ ne emwi dan, ne u vbe gha la odẹ ọwara khian. Ghe zẹ ukpowẹ okpa hin urodẹ rre.

Nọmbas 20:17

Lahọ, gie ima la otọ ruẹ gberra. Ke ima kevbe emwirri, ma i ra rhie owẹ hin adesẹ odẹ rre ne a la uwu oha ruẹ ra ugbo emwi okọ ruẹ, ma ira vbe wọn amẹ ne uhae ruẹ. Adesẹ odẹ ma ra wa gha ye ma te do la otọ ruẹ fo.”

Iyẹn ne ọ Maan Ọghe Luk 21:15

Rhunmwuda I gha rhie ẹmwẹ kevbe ẹwaẹn ne uwa, sẹrriọ wẹ eghian uwa ọkpa nọ gha sẹtin mu aro da uwa ne ọ muan ẹmwẹ ne uwa tae, ẹ i rrọọ.

Diuteronomi 28:14

Sokpan, wa ghẹ fieghe uhunmwu yọ vbe odẹikodẹ ra ne uwa ya gha gho ra ne uwa ya gha ga ẹbọ ọvbehe.

Diuteronomi 5:32

“Ivbi Izrẹl, wa gie a miẹn wẹ wa ru emwi ne Nọyaẹnmwa Osanobua ruẹ tama ruẹn. Ghẹ i rra uhi ẹre rhọkpa.

Jọsua 1:7

Sokpan, u ghi wegbe ne u vbe kakabọ din; ne u vbe miẹn wẹ, wẹ wa lele uhi ni hia ne Mosis ne ọguọmwadia mwẹ gbe ne uwa. Ghẹ sẹ ọkpa rae vbọ, ọ ghi gha dinna odẹ nuẹn vbe ehe ne u gha rhirhi yo.

I Samuẹl 1:26

E Hanna keghi tama rẹn wẹẹ, “Dọmọ o, u ye yi mwẹ ẹro nian? Mẹ ọrọre okhuo nii ne u miẹn vbe ọ mudia vbe emwana gha na erhunmwu ghe Nọyaẹnmwa.

I Samuẹl 17:55

E Sọl ghi miẹn vbe Devid bu e Golaiat khian ne ọ ya guẹe gbinna, ọ keghi nọ Abna ne ọkaivbiyokuo ẹre wẹẹ, “Abna, de ovbi ọmwa ne ọ khin yi?” Abna keghi wanniẹn wẹẹ, “I ma zẹdẹ rẹn hiehie Umogun.”

I Samuẹl 20:3

Sokpan, e Devid keghi wanniẹn wẹẹ, “Erha rẹn vbe ne u ho ẹmwẹ mwẹ hẹẹ ọ re ọ na wẹ rẹn I tama ruẹn emwi ne irẹn khian ru, rhunmwuda, ọ gha balọ uẹ gbe. I ye Nọyaẹnmwa ne ọ rrọọ vẹn ihẹn ma ruẹn wẹ agbanmwẹ idin ọ re I ye na.”

I Samuẹl 25:26

E Nọyaẹnmwa ọ re ọ ma guẹ rria ikhi ne egbe ruẹ ne u gbele avbe eghian ruẹn. Banbanna nian, mẹ ya eni e Nọyaẹnmwa ne ọ rrọ vẹn ihẹn ma ruẹn wẹ, eghian ruẹn hia kevbe emwa ni te gualọ odẹ ne iran gha la ruẹ re, vbene a ra rri e Nabal oya ọ re a ra vbe rri iran oya.