II Samuẹl 14:17 - Edo Bible (E Baibol Ẹdo) Version 1996

¹⁷ I keghi tama egbe mwẹ wẹ, eyan ne uwẹ yan rẹn gha degue mwẹ, enọwanrẹn, rhunmwuda te ọba ye vbe odibo Osanobua, ọ vbe rẹn emwi ne ọ maa, hin ne ẹ i maa rre. Te Nọyaẹnmwa ne Osanobua ruẹ gha yaba ruẹ!”

II Samuẹl 14:17 ပူးပေါင်းရင်းမြစ်များ

II Samuẹl 14:18

Ọba keghi wanniẹn wẹẹ, “I khian nọ ruẹn ọta ọkpa, u ghi ta ẹmwata ne ọ rrọọ hia ma mwẹ.” Okhuo nii keghi wanniẹn wẹẹ, “Nọ mwẹ ọta ne ọ rhirhi khọn ruẹn, Umogun.”

II Samuẹl 14:20

Sokpan te ọ ru ẹe ne ọ ya dọlọ ẹmwẹ na hia yi. Te u ye vbe odibo Osanobua Umogun, u kevbe rẹn otọ emwi hia, ni sunu.”

II Samuẹl 19:27

Ọ keghi do ba mwẹ ohoghe ma ruẹn, Umogun, sokpan, te u wẹ yevbe odibosa, rhunmwuda ọnii, emwi ne ọ ghi kei vbe aro ruẹ, ru mwẹ re.

II Samuẹl 19:28

Te ọ te khẹke nu u gbele ẹgbẹe erha mwẹ hia, Umogun sokpan, u keghi ye ru mwẹ ẹse wẹ ne I do gha rri evbare vbe eteburu ruẹ. Ọ ma ghi khẹke mwẹ ne I ye vbu emwi vbe obọ ruẹ Umogun.”

I Ọba 3:28

Ivbi Izrẹl ghi họn ohiẹn ne Solomọn buru, iran keghi kpa uhe ne ẹẹn, rhunmwuda, iran miẹn wẹ Osanobua rhie ẹwaẹn ne ẹẹn ne ọ ya gha buohiẹn ẹse.

I Ọba 3:9

Rhunmwuda ọnii, rhie ẹwaẹn mẹ ne I ya gha gbearoghe emwa na vbe ne a na ta ẹmwata kevbe ne a na rẹn emwi ne ọ maa hin ne ẹ i maa rre. A deghẹ ẹ i re erriọ, vbe I a gha ya gbearoghe okpe emwa ruẹn na hẹ?”

Job 6:30

Sokpan, wa ro wẹ ohoghe ẹre I ta. Wa ro ighẹ I i sẹtin rẹn emwi ne ọ maa hin e ne ẹ i maa rre.”

Itan 27:21

Erhẹn ọ re ọ danmwẹ igoru kevbe esiliva ghe, uyinmwẹ ọmwa nagbọn vbe gie a danmwẹ ghe.

Itan 29:5

Adeghẹ u kpe ọsiọ ye ewọwọ, te u rhuẹ ifi ne egbe uẹ.

Hibru 5:14

Evbare ne ọ wo vbe egbe, ọghe avbe eniwanrẹn nọ, iran ni ma unu iran ẹre, ne iran vbe gha ya ẹe rẹn alughaẹn ne ọ rre ẹkpo emwi ne ọ maa kevbe ne ẹ i maa.

Jọsua 1:17

Ma gha họn ẹmwẹ nuẹn zẹ vbene ima vbe gha họn ẹmwẹ ne Mosis. Sokpan ne Osanobua gha rrọọ yaba ruẹ zẹ vbene ọ vbe gha rrọọ ba e Mosis!

I Samuẹl 29:9

Akis keghi wanniẹn wẹẹ, “I rẹnrẹn, I ka a ba usun emwa ni gie a mu ẹtin yan zẹ vbene odibo Osanobua ye. Sokpan avbe enigie nekpa kha ne wẹ iran i gie uẹ lele ima gha rrie okuo.