II Samuẹl 13:5 - Edo Bible (E Baibol Ẹdo) Version 1996

⁵ E Jonadab keghi tama rẹn wẹẹ, “Ba kha ighẹ u khuọnmwi ne u ya lovbiẹ. Erha a gha rre do miẹn uẹn u ghi tama rẹn wẹẹ, ‘Lahọ gie Tama ne ọtẹn mwẹ do rhie evbare mẹ, I ho ne ọ mu nene evbare ye eke ne I gha na gha dẹghe irẹn tobọ ẹre vbe emwa, ọ ghi vbe tobọ ẹre gha rhie nene evbare mẹ.’ ”

II Samuẹl 13:5 ပူးပေါင်းရင်းမြစ်များ

II Samuẹl 13:4

E Jonadab keghi tama rẹn wẹẹ, “We ne ovbi ọba, ẹdẹgbegbe ọ re I ya miẹn wẹ aro ruẹ i ma vbe uhunmwu. Tama mwẹ, emwi ne o sii ẹe.” Rẹn keghi wanniẹn wẹẹ, “Ẹmwẹ Tama ne ovbi iye Absalọm ne ovbi erha mwẹ wa yẹ mwẹ.”

II Samuẹl 13:6

Amnọn keghi gele ba ru vbene ọ khuọnmwi, ọ na ya lovbiẹ, e Devid ne ọba keghi ya miẹn ọẹn, Amnọn keghi tama rẹn wẹẹ, “Lahọ, gie Tama do fian omwa eka kherhe vbe emwa na, ehe ne I gha na sẹtin gha bẹghe ẹre, ne ọ vbe tobọ ẹre gha rhie nene evbare mẹ.”

II Samuẹl 16:21

Ahitofẹl keghi wanniẹn wẹẹ, “Bu avbe egbakhian erhaa, ne ọ sẹrae ye otọ ne iran gha gbearoghe ẹguae ne u ya gu iran ru emwi ọdọ vbe amwẹ. Ivbi Izrẹl hia ghi do họn wẹ u sọtẹ erhaa nẹ, orhiọn ghi kakabọ la irogho ruẹ iwu.”

Itan 19:27

Ovbi mwẹ, u gha dobọyi vbe emwi ne a ruẹ, u gha rherhe mianmian ne u te ka rẹn yi.

Iwinna 23:15

Rhunmwuda ọnii nian, wa kevbe Iko gie uhunmwu gie Ọkaokuo e Rom wẹ ne ọ rhie Pọl bu uwa gha dee, wa ghi ba kha ighẹ wa ra dọlegbe gualọ otọ ẹzọ ẹre ẹse. Sokpan ma mu egbe ne a gbe ẹe rua ọ te sẹ edinran.”