II Samuẹl 13:4 - Edo Bible (E Baibol Ẹdo) Version 1996

⁴ E Jonadab keghi tama rẹn wẹẹ, “We ne ovbi ọba, ẹdẹgbegbe ọ re I ya miẹn wẹ aro ruẹ i ma vbe uhunmwu. Tama mwẹ, emwi ne o sii ẹe.” Rẹn keghi wanniẹn wẹẹ, “Ẹmwẹ Tama ne ovbi iye Absalọm ne ovbi erha mwẹ wa yẹ mwẹ.”

II Samuẹl 13:4 ပူးပေါင်းရင်းမြစ်များ

II Samuẹl 13:3

Sokpan, rẹn kegha mwẹ ọse ọkpa ne a tie ẹre Jonadab, ovbi ọtẹn Devid nokpia ne a tie ẹre Siama, ọ kegha re ọmwa ne ọ wan ẹwaẹn egui.

II Samuẹl 13:5

E Jonadab keghi tama rẹn wẹẹ, “Ba kha ighẹ u khuọnmwi ne u ya lovbiẹ. Erha a gha rre do miẹn uẹn u ghi tama rẹn wẹẹ, ‘Lahọ gie Tama ne ọtẹn mwẹ do rhie evbare mẹ, I ho ne ọ mu nene evbare ye eke ne I gha na gha dẹghe irẹn tobọ ẹre vbe emwa, ọ ghi vbe tobọ ẹre gha rhie nene evbare mẹ.’ ”

I Ọba 21:5

E Jezibẹl ne amwẹ ọnrẹn keghi bu ẹre, ọ nọ rẹn wẹẹ, “Vbe u a miẹn ne egbe na wọ ruẹ ye otọ vberriọ yi? Vbọzẹ ne u ma na rri evbare?”

I Ọba 21:7

E Jezibẹl keghi kha wẹẹ, “Tama mwẹ, wẹ ọrọre ọba ra ẹ i re uwẹ? Kpaegbe vbe ukpo, dọlọ aro yi ne u rri evbare, I gha mu ugbo emwiokọ e Nabot nuẹn!”

Aizaia 3:9

Ẹmwẹ ne iran rhie ye ekhọe ọ re a ra ya gu iran gui. Te iran ghi wa rhan ma orukhọ zẹ vbene emwa Sọdom ghaa ye. Ọghe iran fo ne, obọ iran ọ re iran ya sii ẹe gie egbe iran.

Jerimaia 8:12

Wa ne emwa mwẹ, ekhue mu uwa yọ ra vbe uwa ru ẹkẹkhẹrhẹ na? Hiehiere! Ekhue ma zẹdẹ mu uwa. Wa ma kue rẹn vbene emwi gbe ọmwa egbe hẹ. Rhunmwuda ọnii, wa gha dele zẹ vbene emwa nekpa vbe dele. I gha rri uwa oya, ọnii ọ re ọ khian gha re ufomwẹ uwa. Mẹ ne Nọyaẹnmwa taa ẹe nẹ.

Levitikọs 18:9

Ghẹ gu ivbiye uẹ nokhuo ra ovbi erhaa nokhuo ru emwi ọdọ vbe amwẹ, ọ re owa ọkpa ọre a na koko uwa ra ẹ i re ọre.

Levitikọs 20:17

A deghẹ okpia rhie ovbiye ẹe ne okhuo ra ovbi erha ẹe ne okhuo rọnmwẹ, a ghi fa iran an ne agbọn vbe ẹrinmwi miẹn, a ghi khulo iran hin ẹbu emwa rre. Ọ gu ọtiọnrẹn nokhuo ru emwi, te ọ kere ne ọ rri oya ne ọ khẹ ke ẹe.

Maika 7:3

Te emwi dan ne a ru wa gua iran hia obọ ro. Avbe ekhaẹmwẹ kevbe iran ni bu ohiẹn wa rri igho odieke. Ọmwa ne ọ hin usi ghi tama iran emwi ne irẹn ho, rhunmwuda ọnii, iran ghi gba si uma dan kugbe.

Iyẹn ne ọ Maan Ọghe Luk 12:32

“Wa ghẹ fian afianma, oghẹn kherhe. Rhunmwuda, ọ re ekhọe Erha uwa nẹ ne ọ rhie Arriọba ni ne uwa.