II Samuẹl 13:3 - Edo Bible (E Baibol Ẹdo) Version 1996

³ Sokpan, rẹn kegha mwẹ ọse ọkpa ne a tie ẹre Jonadab, ovbi ọtẹn Devid nokpia ne a tie ẹre Siama, ọ kegha re ọmwa ne ọ wan ẹwaẹn egui.

II Samuẹl 13:3 ပူးပေါင်းရင်းမြစ်များ

Gẹnẹsis 3:1

Ẹyẹn kegha re ne ọ ghi ru ero sẹ vbe uwe aranmwẹ ne Nọyaẹnmwa Osanobua yi hia. Ẹyẹn keghi nọ okhuo nii wẹẹ, “Te Osanobua gele wẹ ne uwa ghẹ rri ọmọ erhan ni rre uwe ogba na rhọkpa ra?”

Gẹnẹsis 38:1

Ẹghẹ nii, e Juda keghi kpao sẹ avbe etiọnrẹn rae, ọ ke ya tota ke Hira ne ovbi ẹvbo ne a tie ẹre Adulam.

Gẹnẹsis 38:20

E Juda keghi gie ọsiọre ke Adulam gha khian ne ọ ya miẹn emwi ne okhuo nii dayi viọ rre, sokpan ọ ma miẹn nene okhuo.

II Samuẹl 13:2

Ọ ho ẹmwẹ ọmọ okhuo na sẹrriọ wẹ rẹn keghi gha khuọnmwi. Rẹn na roro ẹe wẹ obọ irẹn i ra vba ẹre ẹdẹ rhunmwuda uvbi ne ọ ma he rẹn okpia nọ, a i vbe kue ne ọ gu ikpia gha mu obọ.

II Samuẹl 13:32

Sokpan, e Jonadab ne ovbi e Siama ne ọtẹn Devid keghi kha wẹẹ, “Umogun, iran ma gbele ivbi uẹ hia a. Amnọn ọkpa ọ re ọ wu. Wẹ rẹnrẹn wẹ ke ne Amnọn ya mu e Tama ne ọtiọnrẹn yagha, ọ re Absalọm kegha mwẹ ọnrẹn vbe ekhọe wẹ rẹn gha ru emwi na.

II Samuẹl 13:4

E Jonadab keghi tama rẹn wẹẹ, “We ne ovbi ọba, ẹdẹgbegbe ọ re I ya miẹn wẹ aro ruẹ i ma vbe uhunmwu. Tama mwẹ, emwi ne o sii ẹe.” Rẹn keghi wanniẹn wẹẹ, “Ẹmwẹ Tama ne ovbi iye Absalọm ne ovbi erha mwẹ wa yẹ mwẹ.”

II Samuẹl 14:2

Rhunmwuda ọnii, e Joab keghi gie ne a tie okhuo ne umẹwaẹn ọkpa ne ọ rre Tẹkoa wẹ ne ọ bu irẹn gha dee. Ọ keghi tama okhuo nii wẹẹ, “Ba ru vbene a miẹn wẹ akhiẹ ọ re u ye, viọ ukpọn akhiẹ ye egbe, ghẹ vbe salọ eto ruẹ. U ghi ru zẹ vbe okhuo ne ọ kpẹre ne ọ kegha khiẹ.

II Samuẹl 21:21

Ọ keghi fa ivbi Izrẹl rua, ẹre Jonatan ne ovbi e Siama ne ọtiẹn Devid na gbe ẹe rua.

I Krọnikol 2:13

E Jese kegha mwẹ emọ ikpia ihinrọn. Vbene a ya biẹlẹ iran lele egbe ọre ọna khin: Eliab, Abinadab, Siama.

I Krọnikol 27:32

E Jonatan ne ovbi iye erha Devid kegha re ọguọmwaziro ne ọ guẹe ẹsẹse kevbe ne ọ rẹn emwi. Rẹn kevbe Jẹhiẹl ne ovbi e Hakmọn ọ re a mu ẹmwẹ emwi ne a ma ivbi ọba re ye ọ re obọ.

Ẹsta 5:10

Sokpan, ọ keghi zin egbe, ọ na gha rrie owa, ọ keghi tie avbe esiọre hia gha die owa ẹre, ọ na wẹ ne Zeres ne amwẹ ọnrẹn vbe deba iran.

Ẹsta 5:14

Ẹkpo nii, ọ re amwẹ ọnrẹn kevbe avbe esiọre na gue ẹe zẹ iro wẹẹ, “Wẹ ghi gba erhan ne a ya si emwa rrọọ ne uyomwẹ ọnrẹn re ibata isẹn irrọ vbe iyenẹ? Owiẹ nakhuẹ, u sẹtin tama ọba wẹ ne ọ si e Modekai rrọ yọ. Ẹghẹ nii, u sẹtin ye ọyẹnmwẹ gha rrie ehe ne uwa ra na rri evbare.” E Haman na wẹ iro esiesi ọna wa khin, ọ keghi gele ya gba erhan ne a si ọmwa rrọ yi nii.

Ẹsta 6:13

Ọ keghi na iyẹn emwi ne ọ sunu vbe egbe irẹn ma amwẹ ọnrẹn kevbe avbe esiọre. Okhuo nii kevbe avbe esiọre ni wan ni keghi tama rẹn wẹẹ, “U hẹko laghe iyeke ne Modekai khian nẹ. E Ju rẹn khin, obọ ruẹ i sẹtin ke ukhunmwu ne ẹẹn. Vbene a i na gba awẹawẹ, ọ gha ma ruẹn.”

Itan 19:6

Emwa hia ọ re ọ ho ne iran gha re ọse okpọmwa, emwa hia ọ re ọ kha ighe ọse ọmwa ne ọ zẹ emwi obọ rẹn khin.

Jerimaia 4:22

E Nọyaẹnmwa khare wẹẹ, “Akpa ọ re avbe emwa mwẹ khin, iran ma rẹn mwẹ. Iran ye vbe emọ ni kọẹn iran imwẹ irẹnmwi hiehiere. Iguẹsẹ iran khin vbe emwi dan ne a ru emwi esi ne a ru i dunna ne iran.”

I Kọrinti 3:19

Rhunmwuda, emwi ne emwa ne agbọn tie ẹre emwi ẹwaẹn, ukọnmwẹ nọ vbe aro Osanobua. Zẹ vbene ebe ta ẹe, “Uwu iguemwi ne iran gu ẹe, ọre Osanobua na khuẹn ifi mu avbe umẹwaẹn.”

Jems 3:15

Ẹ i re ẹrinmwi egbe ẹwaẹn vberriọ ke rre, ọ ghe agbọn na nọ, ẹ i re emwi orhiọn, ọghe esu nọ.

Giọgis 14:20

Iran na rhie amwẹ Samsin ne okpia ne ọ gha sẹ odibo ne ẹẹn vbe ẹghẹ irhiọha.

I Samuẹl 16:11

Ọ keghi nọ rẹn wẹẹ, “U ye mwẹ emọ ikpia ọvbehe ra?” E Jese keghi wanniẹn wẹẹ, “Ne ọvbokhan ne ọ rrọọ, ọre ọ ghi ke ẹe sokpan, ọ rre ehe ne ọ na su ohuan.” E Samuẹl keghi kha wẹẹ, “Ya tie ẹre rre, ọ ma rre nẹ ma i zọ ese na.”

I Samuẹl 16:9

Ẹre Jese na vbe rhie Saima rre. E Samuẹl kevbe kha wẹẹ, “E Nọyaẹnmwa ma vbe zẹ ọna.”