II Samuẹl 13:25 - Edo Bible (E Baibol Ẹdo) Version 1996

²⁵ Ọba keghi wanniẹn wẹẹ, “Ẹn o, ovbi mwẹ, ihẹ ọre gha khua sẹ ruẹ gbe a deghẹ ma hia rre.” Absalọm keghi tua unu mu ẹẹn sokpan, ọba ma kue, ọ na gbe ọkhian vba zẹkpẹe ne ẹẹn.

II Samuẹl 13:25 ပူးပေါင်းရင်းမြစ်များ

II Samuẹl 13:24

Ọ bu e Devid ne ọba, ọ tama rẹn wẹẹ, “Umogun, I gha gbe eto avbe ohuan mwẹ, wẹ kevbe avbe ekhaẹmwẹ ruẹn gha rrie emwiukpo ẹre ra?”

II Samuẹl 13:26

Sokpan, Absalọm keghi kha wẹẹ, “A deghẹ erriọ nọ khekherriọ, u gha vbe gie Amnọn ne ọtẹn mwẹ gha khian ra.” Ọba keghi wanniẹn wẹẹ, “Vbọzẹ ne ọ gha na yo yi.”

II Samuẹl 14:22

E Joab keghi ya ọghọ mu ẹko rhu otọ ne Devid, ọ wẹẹ, “Te Osanobua gha fiangbe uẹ, Umogun, wanwanna nian, I rẹnrẹn wẹ ẹko mwẹ ma ruẹn, rhunmwuda, u ru emwi ne I nọ rẹn mẹ.”

Iyẹn ne ọ Maan Ọghe Luk 14:23

Arowa nii keghi khama ọguọmwadia nii wẹẹ, ‘Gha rrie ivbiodẹ kevbe odẹ nekhua ọghe ẹvbo na, viọ ẹvbo rre, ne owa mwẹ miẹn ehe na vuọn.

Iyẹn ne ọ Maan Ọghe Luk 24:29

Sokpan iran keghi daeyi wẹẹ, “Gu ima tota, te ebi ghi ra ro, ebiebi vbe so nẹ.” Rhunmwuda ọnii rẹn keghi la owa ne ọ ya tota ke iran.

Iwinna 16:15

A keghi sa amẹ ne ẹn ke ẹe kevbe owa ẹre. Rẹn keghi tama ima wẹẹ, “Deghẹ wa gele ka mwẹ ye ọmwa ne ọ ya Nọyaẹnmwa yi vbe ẹmwata, wa do di owa mwẹ ya.” Rẹn keghi rherhe ima viọ gha khian.

Ebe Rut 2:4

E Boaz tobọ ẹre keghi ke Bẹtlẹhẹm rre, “Ọ keghi tue emwa iwinna wẹ Nọyaẹnmwa deba uwa.” Iran keghi wanniẹn wẹẹ, “Nọyaẹnmwa fiangbe uwẹ.”