II Samuẹl 13:22 - Edo Bible (E Baibol Ẹdo) Version 1996

²² Absalọm ma vbe rhan unu ta ẹmwẹ ọkpa ma Amnọn. Ohu ẹre kegha mu Absalọm rhunmwuda, ọ ya ẹtin vbe iwegbe gu e Tama ne ovbiye ẹe ru emwi ọdọ vbe amwẹ.

II Samuẹl 13:22 ပူးပေါင်းရင်းမြစ်များ

Gẹnẹsis 24:50

E Leban kevbe Bẹtuẹl keghi wanniẹn wẹẹ, “Ugbẹn vbe a miẹn wẹẹ obọ e Nọyaẹnmwa ọre emwi na la rre, ẹ i re ima ọ gha ta emwi ne a gha ru.

Gẹnẹsis 31:24

Vbe asọn nii, Osanobua keghi bu e Leban gha dee vbe imina, ọ khama rẹn wẹẹ, “Ghẹ ru emwi rhọkpa ne ọ gha kpokpo e Jekọb orhiọn.”

Gẹnẹsis 31:29

I wa mwẹ ẹtin ne I ya ruẹ emwi nian sokpan, vbe nasọn, Osanobua erhaa keghi tama mwẹ wẹẹ, ‘Ghẹ ru emwi rhọkpa ne ọ gha mu e Jekọb orhiọn rueghe hiehie.’

II Samuẹl 13:21

E Devid ne ọba ghi họn emwi ne ọ sunu, ohu keghi kakabọ mu ẹẹn.

Itan 10:18

Ọmwa ne ọ rhie ohu ọmwa mu ọmwa lẹre, ọhọn ohoghe nọ. Ọmwa ne ọ wewe ewẹwẹwẹ khian, akpa nọ.

Itan 25:9

Adeghẹ wẹ vbe ọmwa ẹdogbo ruẹ muan ẹmwẹ ye emwi ọkpa, wa tobọ uwa bu ẹre ne egbe uwa, wa ghẹ vbe ya gha we oro.

Itan 26:24

Ọmwẹkẹ ghi rhie ẹkokhọmwẹ ọnrẹn lẹre ye iyeke aranmwẹ ne ọ ya lalọ ọmwa egbe.

Itan 26:26

Ọ sẹtin rhuan gue izohu ẹre sokpan agbọn hia miẹn emwi dan ne ọ ru.

Asan-Ibo 7:9

Ohu gha mu ẹẹn, ziengbe ẹre, uyinmwẹ ọzuọ nọ ne a gha rhie emwi ne ọ sọnnọ ọmwa ye ekhọe.

Matiu 18:15

“Ọtuẹn gha ru uẹ emwi khọ, bu ẹre gha khian, ya rhie ma rẹn. Sokpan wẹ vbe ọre ọkpa ghi gba ta ẹre ọ ghe uwu owa. a deghẹ ọ rhie ehọ nuẹn ta yi, te usi atua ye ẹmwẹ iku uwẹ vbe ọre.

Ẹfisọs 4:26

Deghẹ ohu muẹn, ghẹ gie ohu ne ọ muẹn ya a ru orukhọ, ghẹ vbe mu ohu la ẹdẹ hoho.

Ẹfisọs 4:31

Wa gbe ukhu ẹre ua ighẹ ẹkorriaramwẹ, owowo, kevbe ohu, wa ghẹ ghi vannọ okan, ra ne a gha tie ihẹn, wa gie ẹkokhọmwẹ fo, ke ẹe kevbe emwi ni ye rriọ hia.

I Jọn 2:11

Sokpan ọmwa nọ khu iwu ọtiọnrẹn, uwu ebiebi ọre ọ ye, uwu ẹre ọre ọ na khian, ọ ma vbe rẹn ehe ne irẹn rrie, rhunmwuda ebiebi rhu ẹre aro nẹ.

I Jọn 2:9

Ọmwa ne ọ khare ighẹ uwu uwanmwẹ rẹn ye, ọ na gha khuiwu ọtiọnrẹn, uwu ebiebi ọre ọ ye, ye do sẹ wanwan na.

I Jọn 3:10

Ọnọna ọrọre alughaẹn ne egbe ne aro dae, ne ọ rre ẹkpo ivbi Osanobua kevbe ivbi Esu. Ọmwaikọmwa ne ẹ i ru emwi ne ọ gbae, ra ne ẹ i ho ẹmwẹ etiọnrẹn, ẹ i re ovbi Osanobua.

I Jọn 3:12

Ọ ma kei ne ima gha ye vbe Ken. Ọghe Ọmwa Dan ni rẹn khin, ọ keghi gbe ọtiọnrẹn ne okpia ua. Vbọzẹ ne Ken na gbe ẹe rua yi? Rhunmwuda ighẹ emwi ne irẹn ru ma gba, sokpan emwi ne ọtiọnrẹn ru keghi re ne ọ gbae.

I Jọn 3:15

Ọmwaikọmwa ne ọ khu iwu ọtiọnrẹn, izigha nọ, wa rẹnrẹn wẹ izigha i mwẹ arrọọ ne ẹ i fo vbe uwu irẹn.