II Samuẹl 13:21 - Edo Bible (E Baibol Ẹdo) Version 1996

²¹ E Devid ne ọba ghi họn emwi ne ọ sunu, ohu keghi kakabọ mu ẹẹn.

II Samuẹl 13:21 ပူးပေါင်းရင်းမြစ်များ

Gẹnẹsis 34:7

vbe uwu ẹghẹ ne ivbiẹre na ke uwu oha rre zẹẹ. Ugbẹn vbe iran họn ẹmwẹ na, udu iran si vbọ, ohu ke mu iran ẹsẹse wẹ Siẹkẹm ru emwi ohan vberriọ, ọ na fi unu gie ivbi Izrẹl hia vbekpa ne ọ na ya ẹtin gu ovbi e Jekọb ru emwi.

Gẹnẹsis 35:22

Ẹghẹ ne Jekọb na gha rre ẹvbo nii, e Riubẹn keghi gu e Bilha ne ọkpa vbe uwu egbakhian erhae ru emwi, e Jekọb ghi họn, ohu ke muẹn ẹsẹsẹmwẹse, emọ iweva ọre Jekọb biẹlẹe.

II Samuẹl 12:10

Banbanna nian, te a gha miẹn ivbi uẹ eso ne ọ gha wu uwu ikpanikpan vbe orre hia, rhunmwuda, u rra uhi mwẹ, u keghi rhie amwẹ Uraia.

II Samuẹl 12:5

Ohu ọmwa nọ fe nii keghi kakabọ mu e Devid, ọ na kha wẹẹ, “I ya Osanobua ne ọ rrọọ vẹn ihẹn wẹ ọmwa ne ọ ru emwi na, te ọ kere ne ọ wu!

II Samuẹl 13:20

Absalọm ne ọtiọnrẹn keghi nọ rẹn wẹẹ, “Te Amnọn yagha a ra? Ọtẹn mwẹ ghẹ gie ọmwa rhọkpa họn. Ẹre ovbi erha wa gba khin yi. Ghẹ vbe khiẹkhiẹ egbe yọ gbe.” Ẹre Tama na gha rre owa Absalọm, rẹn ọkpa vbe ẹhi ẹre, vbene ẹko ma na ghi rhiẹnrhiẹn ọẹn.

II Samuẹl 13:22

Absalọm ma vbe rhan unu ta ẹmwẹ ọkpa ma Amnọn. Ohu ẹre kegha mu Absalọm rhunmwuda, ọ ya ẹtin vbe iwegbe gu e Tama ne ovbiye ẹe ru emwi ọdọ vbe amwẹ.

Psalm 101:8

Ke ẹdẹ dinna ẹdẹ, mẹ gha fuẹn iran, ighẹ avbe emwa dan ni rre otọe mwa, I gha khulo emwa ọkhọ hia, hin ore nọkhua ọghe Nọyaẹnmwa rre.

I Samuẹl 2:29

Vbọzẹ ne aro uwa ghi na vbe wu ye emwi izọ ese kevbe emwi ihaoko mwẹ ne I nọ vbe obọ emwa mwẹ? Vbọzẹ ne uwẹ ne Elai na daa ne ivbi uẹ sẹ emwi ihaoko mwẹ ne I nọ vbe obọ emwa mwẹ? Vbọzẹ ne uwẹ ne Elai na daa ne ivbi uẹ sẹ imẹ vbe ne u na gie iran gha rri ehe ne ọ maa sẹ vbe emwi ne emwa ya zọ ese ghe mwẹ ya gha tii ye egbe?