II Samuẹl 13:20 - Edo Bible (E Baibol Ẹdo) Version 1996

²⁰ Absalọm ne ọtiọnrẹn keghi nọ rẹn wẹẹ, “Te Amnọn yagha a ra? Ọtẹn mwẹ ghẹ gie ọmwa rhọkpa họn. Ẹre ovbi erha wa gba khin yi. Ghẹ vbe khiẹkhiẹ egbe yọ gbe.” Ẹre Tama na gha rre owa Absalọm, rẹn ọkpa vbe ẹhi ẹre, vbene ẹko ma na ghi rhiẹnrhiẹn ọẹn.

II Samuẹl 13:20 ပူးပေါင်းရင်းမြစ်များ

Gẹnẹsis 34:2

Ugbẹn vbe Siẹkẹm ne ovbi Hamọ ne ọmwa Hivi, ne ọre enogie otọe nii ghi bẹghe ẹre, ọ na siẹe ọ na ya ẹtin guẹ ẹe ru emwi ọdọ vbe amwẹ.

Gẹnẹsis 46:15

Ena kegha re emọ ne Lia biẹlẹ ne Jekọb vbe Mẹsopotamia deba ovbi ẹre nokhuo ighẹ Dina. Vbe uwu ehia, ivbi urho ẹre ke obọ Lia rre kegha re eha yan ọgban.

II Samuẹl 13:19

Ọ keghi khakha emuẹn ye egbe ẹre uhunmwu, ọ yanghan ẹwu nii uan, ọ keghi viọ obọ gue aro, ọ na viẹ gha rrie.

II Samuẹl 13:21

E Devid ne ọba ghi họn emwi ne ọ sunu, ohu keghi kakabọ mu ẹẹn.

II Samuẹl 14:24

Sokpan, ọba keghi kha wẹ ne Absalọm ghẹ yo uwu ẹguae, ọ na kha wẹẹ, “I i ho ne I bẹghe ẹre.” Rhunmwuda ọnii, Absalọm kegha rre owa obọ ẹre, ọ ma vbe ya egbe ne ọba miẹn.

Itan 26:24

Ọmwẹkẹ ghi rhie ẹkokhọmwẹ ọnrẹn lẹre ye iyeke aranmwẹ ne ọ ya lalọ ọmwa egbe.

Ebe ne Pọl gbẹẹn gie emwa Rom 12:19

Ọse mwẹ, ghẹ rria ikhi, sokpan, gie izohu Osanobua ruẹe, rhunmwuda ebe tae wẹẹ, “I gha rria ikhi, I gha ruẹe werriegbe, erriọ Nọyaẹnmwa khare.”