II Samuẹl 13:2 - Edo Bible (E Baibol Ẹdo) Version 1996

² Ọ ho ẹmwẹ ọmọ okhuo na sẹrriọ wẹ rẹn keghi gha khuọnmwi. Rẹn na roro ẹe wẹ obọ irẹn i ra vba ẹre ẹdẹ rhunmwuda uvbi ne ọ ma he rẹn okpia nọ, a i vbe kue ne ọ gu ikpia gha mu obọ.

II Samuẹl 13:2 ပူးပေါင်းရင်းမြစ်များ

II Samuẹl 13:1

Absalọm ne ovbi e Devid kegha mwẹ ovbiye okhuo ọkpa ne ọ mose ẹsẹse, a kegha tie ẹre Tama. Ọkpa ne a tie eni ẹnrẹn Amnọn vbe ivbi e Devid keghi gha ho ẹmwẹ ọnrẹn.

II Samuẹl 13:3

Sokpan, rẹn kegha mwẹ ọse ọkpa ne a tie ẹre Jonadab, ovbi ọtẹn Devid nokpia ne a tie ẹre Siama, ọ kegha re ọmwa ne ọ wan ẹwaẹn egui.

I Ọba 21:4

Ehab kegha rrie owa vbene ekhọe ẹre na rhia, egbe wọ ẹre, rhunmwuda ẹmwẹ ne Nabot tama rẹn. Ọ keghi ya lovbiẹ mu aro da egbekẹn vbe ukpo ẹre, ọ ma rri evbare.

Ihuan Ne Ọ Sọọ Ihuan Hia 5:8

Wa yan ma mwẹ wa ni ikhuo e Jerusalẹm wẹ wa gha miẹn enida mwẹ, wa gha tama rẹn wẹ, a rhie aro ye odẹ ya mwẹ rrie.

II Kọrinti 7:10

Rhunmwuda ẹko ne ọ rriara ọmwa ne Osanobua loro, keghi rhie afi ekhọe werriẹ ghe imiẹnfan rre. A i vbe gbe I ma rẹn ye ọnii hiehiere. Sokpan te ẹko ne ọ rriara ọmwa ọghe agbọn na si uwu.