II Samuẹl 13:1 - Edo Bible (E Baibol Ẹdo) Version 1996

¹ Absalọm ne ovbi e Devid kegha mwẹ ovbiye okhuo ọkpa ne ọ mose ẹsẹse, a kegha tie ẹre Tama. Ọkpa ne a tie eni ẹnrẹn Amnọn vbe ivbi e Devid keghi gha ho ẹmwẹ ọnrẹn.

II Samuẹl 13:1 ပူးပေါင်းရင်းမြစ်များ

Gẹnẹsis 29:18

E Jekọb kegha ho ẹmwẹ Rekiẹl, ọ keghi kha wẹẹ, “I gha ya ukpo ihinrọn ga ye Rekiẹl, adeghẹ ugha rhie mẹ.”

Gẹnẹsis 29:20

E Jekọb keghi ya ukpo ihinrọn ga ye Rekiẹl, ọ keghi yevbe ikpẹdẹ eso vbe aro ẹre rhunmwuda ọ ho ẹmwẹ ọnrẹn.

Gẹnẹsis 34:3

Sokpan ẹmwẹ ọmọ okhuo na keghi yẹ ọre, rhunmwuda ose ẹre, ọ keghi suẹn gha ho ne ọ wa rhie ẹre rọnmwẹ.

Gẹnẹsis 6:2

Eso vbe avbe iran ni rre ẹrinmwi, keghi miẹn wẹ avbe ikhuo na wa mose ẹsẹse, ẹre iran na viọ ni yẹ iran vbọ rọnmwẹ.

II Samuẹl 11:2

Ẹdẹ ọkpa, vbe ẹdẹ ghi ye egbe rrie odẹ ẹdogbota nẹ, e Devid keghi kpaegbe vbe ovbe avan ne ọ vbiẹre, ọ keghi hin egedege ẹguae. Ọ kegha hẹko khian lẹga vbe odukhunmwu nii, evba ọ re ọ na ya bẹghe okhuo ne ọ khuẹ. Okhuo na keghi wa mose ẹsẹse.

II Samuẹl 13:15

Vbe iyeke ọnii, ohu ẹre keghi gha mu Amnọn sọsọsọ. Ohu ẹre ne ọ mu ẹẹn nian, keghi kpọlọ sẹẹ vbene ọ te ho ẹmwẹ ọnrẹn. Ọ keghi tama rẹn wẹẹ, “Ladian mwa!”

II Samuẹl 13:2

Ọ ho ẹmwẹ ọmọ okhuo na sẹrriọ wẹ rẹn keghi gha khuọnmwi. Rẹn na roro ẹe wẹ obọ irẹn i ra vba ẹre ẹdẹ rhunmwuda uvbi ne ọ ma he rẹn okpia nọ, a i vbe kue ne ọ gu ikpia gha mu obọ.

II Samuẹl 14:27

Absalọm kegha mwẹ emọ ikpia eha kevbe ọmọ okhuo ọkpa ne a tie ẹre Tama, ọ keghi wa gha re okhuo ne ọ mose ẹsẹse.

I Ọba 11:1

E Solomọn kegha ho ẹmwẹ ikhuo eghọẹn ni bun. Ye vbe gberra ovbi ọba Igipt, ọ kevbe viọ ikhuo e Hiti, e Moab, Amọn, Idọm kevbe Saidọn.

I Krọnikol 3:9

Avbe ọse ne ọ zẹlẹe kevbe biẹlẹ emọ ikpia ọvbehe ba enena ne Devid, ọ kevbe gha mwẹ ọmọ okhuo ọkpa ne a tie ẹre Tama.

Itan 31:30

Te ose rẹrẹ ọmwa, te ukhuegbe vbe khian ne a ho bẹkun, sokpan okhuo ne ọ ya ọghọ ne Nọyaẹnmwa, te ọ kere ne a tian rẹn.

Itan 6:25

Ghẹ gie ose iran viẹn ye uẹ aro, ghẹ gie aro iran ne wẹnwẹnwẹn khuẹn ifi mu ẹẹn.