II Samuẹl 12:5 - Edo Bible (E Baibol Ẹdo) Version 1996

⁵ Ohu ọmwa nọ fe nii keghi kakabọ mu e Devid, ọ na kha wẹẹ, “I ya Osanobua ne ọ rrọọ vẹn ihẹn wẹ ọmwa ne ọ ru emwi na, te ọ kere ne ọ wu!

II Samuẹl 12:5 ပူးပေါင်းရင်းမြစ်များ

Gẹnẹsis 38:24

Ọ ghi rre uki eha, emwa eso keghi do khama e Juda wẹẹ, “Tama ne amwẹ ovbuẹ miẹn okpia, ọ wa hanmwa nian.” E Juda keghi kha wẹẹ, “Wa siẹe ladian ore ne uwa ya giẹn ọnrẹn uan ne ọ wu.”

II Samuẹl 12:4

Ọ ghi sẹ ẹdẹ ọkpa, orhunmwuyẹn keghi do tuẹ ọmwa nọ fe nii, ọmwa nọ fe na ma ho ne ọ gbe vbe emwirri ẹre ya le evbare ne orhunmwuyẹn nii, sokpan ọ keghi mu oteghe ohuan ovbiogue nii ya le evbare ne orhunmwuyẹn ọnrẹn.”

II Samuẹl 14:8

Ọba keghi wanniẹn wẹẹ, “Gha rrie owa, I gha guan ye ẹmwẹ na.”

Iyẹn ne ọ Maan Ọghe Luk 9:55

Jesu keghi ghe iran, ọ na gu iran gui.

Ebe ne Pọl gbẹẹn gie emwa Rom 2:1

Ọse mwẹ, te uwẹ bu ohiẹn ọmwa ọvbehe ra? U i miẹn ẹmwẹ ọkpa ta ya fan egbe ruẹ ye otọ, ọmwa ne ọ rhirhi khọn ruẹn ne u gha khin. Rhunmwuda wẹ gha bu ohiẹn emwa ọvbehe, wẹ na vbe gha ru egbe emwi ne iran ru, ẹghẹ ni, u bu ohiẹn gbe egbe uẹ nẹ.

I Samuẹl 14:39

I ya eni e Nọyaẹnmwa nọ rrọọ ọmwa ne ọ gie Izrẹl khọnmiotọ yan wẹ ọ gha khọnrẹn ne ọ gha re e Jonatan ne ovbi mwẹ ọ re ọ ru orukhọ na, te a gha gbe ẹe rua.” A ma miẹn ọmwa ne ọ guan ẹmwẹ rhọkpa.

I Samuẹl 20:31

Wẹ ma rẹn wẹ e Devid gha rre agbọn, u i ra rriọba vbe ẹvbo na. Banbanna nian, ya rhie ẹre rre, te ọ gha wu.”

I Samuẹl 26:16

U ma sẹtin winna iwinna ruẹn Abna! I ye eni Nọyaẹnmwa nọ rrọọ vẹn ihẹn wẹ te ọ kere ne uwa hia wulo rhunmwuda, wa ma sẹtin gbearoghe arowa uwa ne Nọyaẹnmwa ma ẹre ọba. Ghe! Asoro ọba vboo? Ọgọ amẹ ne ọ mu ke uhunmwu vboo?”