II Samuẹl 12:4 - Edo Bible (E Baibol Ẹdo) Version 1996

⁴ Ọ ghi sẹ ẹdẹ ọkpa, orhunmwuyẹn keghi do tuẹ ọmwa nọ fe nii, ọmwa nọ fe na ma ho ne ọ gbe vbe emwirri ẹre ya le evbare ne orhunmwuyẹn nii, sokpan ọ keghi mu oteghe ohuan ovbiogue nii ya le evbare ne orhunmwuyẹn ọnrẹn.”

II Samuẹl 12:4 ပူးပေါင်းရင်းမြစ်များ

II Samuẹl 12:3

Vbene ovbiogue ne ọ rrọọ na gha mwẹ oteghe ohuan ọkpa kẹkan ne ọ dẹe. Ọ kegha koko ẹe, uwowa ẹre ọ re ọ na wan rre deba avbe ivbi ẹre. Evbare ne irẹn re ọ re ọ na vbe ya koko ẹe, ọ ghi vbe gie ẹe gha wọn amẹ vbe uwu ukpu ẹre, ọ ghi vbe gha mu ẹẹn yan ekuawẹ ọre. Oteghe ohuan nii keghi ye vbe ọmọ okhuo ne ẹẹn.

II Samuẹl 12:5

Ohu ọmwa nọ fe nii keghi kakabọ mu e Devid, ọ na kha wẹẹ, “I ya Osanobua ne ọ rrọọ vẹn ihẹn wẹ ọmwa ne ọ ru emwi na, te ọ kere ne ọ wu!

Jems 1:14

Emwi dan ne ọmwa ho ghẹ ghi bi ẹre uhunmwu fua nẹ, i ghẹ ifi ẹre ghi mu ẹn nẹ, ẹghẹ ni, ọ ghi de fi uwu edanmwẹ.

Giọgis 19:17

Ediọnmwa keghi bẹghe avbe ekhẹn na vbe adesẹ ughe, ọ keghi nọ iran wẹẹ, “Vbe uwa ke dee? Vbe uwa rrie?”