II Samuẹl 12:31 - Edo Bible (E Baibol Ẹdo) Version 1996

³¹ ọ viọ emwa ni rrọ, ọ na viọ ọsara ye iran obọ ne iran ya gha winna, ẹguẹ ematọn, kevbe ughanmwa, ọ na ya iran gha mannọ ibiriki. Erriọ ọ re ọ wa vbe ru emwa ẹvbo ni rre Amọn hia. Iyeke ọnii, rẹn kevbe emwa rẹn kegha die Jerusalẹm.

II Samuẹl 12:31 ပူးပေါင်းရင်းမြစ်များ

II Samuẹl 8:2

Iyeke ọnii, obọ ẹre keghi vbe gba ivbi e Moab, ọ na wẹ ne iran ne obọ vbare vbọ lovbiẹ lele otọ, a na gbele eva sẹ ọkpa rae vbe arhin eha. Ẹre emwa e Moab na do gha rre ototọ ẹre iran na gha ga gie ẹe.

I Krọnikol 20:2

E Milkọm ne ẹbọ Amọn keghi mwẹ ẹrhu ẹde igoru ne ukhuamwẹ ọnrẹn re omwa uwan isẹnirrọ vbe iyenẹ. Ikpẹrọnmwọ ọkpa kegha rrọ, e Devid keghi rhie ẹre ọ na rhie ẹre ye ẹde ọghe irẹn. Ọ kevbe fu emwi ni bun viọ vbe ẹvbo nii.

I Krọnikol 20:3

Ọ keghi viọ emwa ẹvbo nii, ọ na viọ ọsara, aho, kevbe ughanmwa, ye iran obọ ne iran gha winna. Erriọ ọre ọ vbe ru emwa ni rre otọ Amọn nekpa hia. Ẹghẹ nii, rẹn vbe emwa rẹn keghi werriegbe gha di e Jerusalẹm.

Jerimaia 43:9

“Munọ avbe okuta ni kọnkọn eso ne u tọnnọ iran ye uwu ehe ne a ya owẹ la vbe onurho ne a la ghe owa enọkhaemwisẹ vbe ore ẹvbo na, u ghi vbe gie eso vbe avbe ivbi Izrẹl bẹghe ruẹ vbe u a gha ru ẹe.

Emọs 1:13

E Nọyaẹnmwa khare wẹẹ, “Te ivbi Amọn wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Vbe okuo ne iran khọn ba ẹmwẹ otọ, uhin ighe te iran gha va ẹkpoliyẹkẹ ẹko vbe Giliad.

Emọs 1:14

Rhunmwuda ọnii, I gha mu erhẹn ye ekẹn ne a gbe ga e Raba, I ghi vbe giẹn odin ẹnrẹn sẹ otọ. Ẹghẹ nii, iran gha tu okokoko vbe ẹdẹ okuo, igbinna ghi gha khọn emwi hia khian zẹ vbe okpẹhoho.

Emọs 1:3

E Nọyaẹnmwa khare wẹẹ, “Tẹ ivbi e Damaskọs wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Ekhọe ababe ọ re iran ya gha ru emwi ne iran ru ivbi e Giliad re.

Hibru 11:37

A filo okuta gbele iran uan, a sọ iran ye eva, a ya umozo gbele iran uan. A ya iran kin ughe vbene a na yọ iran ohian ẹwe ra ọghe ohuan, ivbiogue, ne a zẹ ọre owẹ kevbe ne a ru ẹre emwi oya.

Jọsua 10:15

Ẹre Jọsua kevbe ivbiyokuo ẹre na werriegbe gha rrie agọ vbe Gilgal.