II Samuẹl 12:26 - Edo Bible (E Baibol Ẹdo) Version 1996

²⁶ Vbe uwu ẹghẹ ne a kha na, e Joab keghi ye gha khọn e Raba ne igiogbẹ Amọn khian, te ọ ghi ra khọn mu ẹẹn fo.

II Samuẹl 12:26 ပူးပေါင်းရင်းမြစ်များ

II Samuẹl 11:1

Amẹ ghi da suẹn gha rhọ vbe ukpo ne ọ lele ẹe, vbe ẹghẹ ne avbe ọba ya yo okuo, e Devid keghi gie Joab kevbe emwa rẹn ni rre asẹ kevbe ivbiyokuo Izrẹl ladian, iran keghi hẹ rhu ivbi Amọn, iran na dunmwu ẹvbo ne a tie ẹre Raba muotọ. Sokpan, e Devid kegha rre Jerusalẹm.

II Samuẹl 11:25

E Devid keghi tama ọmwa ne a gie rre nii wẹẹ, “Rhie igiẹdu ne Joab wẹ ne ọ ghẹ gie ẹtin fu ẹe rhunmwuda, a i rẹn ne ọ wu vbe okuo. Tama rẹn ne ọ kakabọ dekun ẹvbo nii ne ọ khọn rẹn.”

II Samuẹl 12:25

Ọ na wẹ ne Natan he ẹre Jedidaia rhunmwuda, e Nọyaẹnmwa ho ẹmwẹ ọnrẹn.

II Samuẹl 12:27

Ọ keghi gie emwa ya tama e Devid wẹẹ, “I dekun e Raba nẹ, I vbe khọn mu ehe ne iran na sa amẹ wọn nẹ.

II Samuẹl 17:27

Ugbẹn vbe Devid ghi sẹ Mahanem, Siobi ne ovbi e Nahas ne ovbi ẹvbo ne a tie ẹre Raba vbe Amọn, kevbe Makiẹ ne ovbi Amiẹl ne ovbi ẹvbo ne a tie ẹre Lodeba, kevbe Bazilai ne ovbi ẹvbo ne a tie ẹre Rogelim vbe Giliad, keghi bu ẹre rre.

Psalm 60:9

Osanobua de ọmwa ne ọ gha rhie mwẹ gha rriẹ ẹvbo ne a gbe odin ga nii? De ọmwa ne ọ gha ma mwẹ odẹ gha rriẹ Idọm?

Ezikiẹl 25:5

I gha ya ore Raba khian ne a ya rri ekẹtẹkẹtẹ, otọe Amọn hia gha vbe khian ehe ne a na koko avbe ohuan, ne uwa miẹn ehe na rẹn wẹ mẹ ọrọre Nọyaẹnmwa.

Diuteronomi 3:11

(Ọg ne ọba kegha re ne ọ ghi kiekie vbe avbe Refeim. Okuta ọ re a ya ru ẹkpẹti orinmwi ẹnrẹn, uvbẹmwẹ ọnrẹn kegha re ibata ehan utanmwẹ ọnrẹn kegha re omwa ibata iwenẹ zẹ vbe ọmwa ne agbọn hia ya mwa emwi. Ọ ye rre ẹvbo ne a tie ẹre Raba vbe Amọri ẹre na.)