II Samuẹl 12:25 - Edo Bible (E Baibol Ẹdo) Version 1996

²⁵ Ọ na wẹ ne Natan he ẹre Jedidaia rhunmwuda, e Nọyaẹnmwa ho ẹmwẹ ọnrẹn.

II Samuẹl 12:25 ပူးပေါင်းရင်းမြစ်များ

II Samuẹl 12:24

E Devid keghi fu e Batsiẹba ne amwẹ ọnrẹn ẹko rre. Iran kevbe miẹn egbe, rẹn keghi biẹ ọmọ okpia ọkpa, e Devid na he ẹre Solomọn. E Nọyaẹnmwa keghi ho ẹmwẹ ọmọ nii.

II Samuẹl 12:26

Vbe uwu ẹghẹ ne a kha na, e Joab keghi ye gha khọn e Raba ne igiogbẹ Amọn khian, te ọ ghi ra khọn mu ẹẹn fo.

II Samuẹl 7:4

Sokpan, vbe asọn nii, e Nọyaẹnmwa keghi tama e Natan wẹẹ,

I Ọba 1:11

Ẹre Natan na bu Batsiẹba ne Iye Solomọn, ọ keghi nọ rẹn wẹẹ, “U ma he họn ra ighẹ Adonaija ne ovbi e Hagit ma egbe ẹre ọba? Kevbe wẹ e Devid ne ọba ma zẹdẹ rẹn vbe ekpa ẹre!

I Ọba 1:23

Vbe a do tama ọba wẹ e Natan ne akhasẹ rre. E Natan keghi la owa, ọ na vbokho uhunmwu rre ne ọba.

I Ọba 1:8

Sokpan, e Zadọk ne ohẹn, e Benaia ne ovbi Jehoaida, e Natan ne akhasẹ, e Simẹi, e Rei kevbe emwa ne Devid ya khẹ egbe, ma yobọ ye Adonaija re.

I Ọba 4:5

Ọka avbe ogie isi: Azaraia ne ovbi e Natan. Iguọbaziro: ohẹn ighẹ Zabuk ne ovbi e Natan.

I Krọnikol 22:9

Vbene ọ rhirhi a gha ye hẹ, ọ ye yan ma mwẹ. Ọ wẹẹ, ‘U gha biẹ ọmọ okpia ọkpa ne ọ gha khaemwisẹ vbe ọfumwegbe, rhunmwuda, I gha rhie ọfumwegbe ne ẹẹn vbe obọ avbe eghian rẹn hia. Eni ẹnrẹn ọ re ọ gha re Solomọn, rhunmwuda I gha rhie ọfumwegbe kevbe ọrọkhọrhọ ne ivbi Izrẹl vbe ẹghẹ ọre.

I Krọnikol 3:5

Amwẹ ọnrẹn ighẹ Batsiẹba ne ovbi Amiẹl keghi biẹlẹ emọ ikpia enẹ nẹẹn, ena ọre Simea, Siobab, Natan kevbe Solomọn.

Nehimaia 13:26

I keghi tama iran wẹẹ, “Ikhuo ẹvbo ọvbehe ọ re ọ si e Solomọn la orukhọ na ru. Ghe okpia na ne ọ te kpọlọ sẹ avbe ọba ẹvbo ọvbehe hia fẹẹrẹ. Osanobua ho ẹmwẹ ọnrẹn ọ kevbe ya ẹe rrioba yan ivbi Izrẹl, sẹ evba ọ keghi ye de ye orukhọ na.

Matiu 17:5

Vbene ọ wa guan ni, okuku ne ọ fi wain wain keghi rhu gue iran, urhu ọkpa keghi ke uwu okuku nii guan ladian wẹẹ, “Ọna ọre ovbi mwẹ ne I ho ẹmwẹ ọnrẹn kevbe ne ọ ghan, wa danmwehọ ẹre.”

Matiu 3:17

Urhu ọkpa keghi ke ẹrinmwi rre wẹẹ, “Ọna ọre ovbi mwẹ ni ho ẹmwẹ ọnrẹn, ọmwa ne ekhọe mwẹ rhiẹnrhiẹn ghe ẹsẹsẹmwẹse.”

Diuteronomi 33:12

Ọ keghi kha vbekpa ẹwae Bẹnjamin wẹẹ: “Ewae ne Nọyaẹnmwa ho ẹmwẹ ọnrẹn ne ọ vbe degue ẹdẹgbegbe iran ya rrọọ vbe a i mwẹ ẹbe vbe odaro ẹre. Ọ keghi vbe di uwu ẹbu iran ya.”