II Samuẹl 12:19 - Edo Bible (E Baibol Ẹdo) Version 1996

¹⁹ E Devid ghi miẹn wẹ iran gha mu unu ye egbe ehọ guan, ọ keghi rẹn wẹ ọmọ nii wu nẹ. Rhunmwuda ọnii, ọ keghi nọ iran wẹẹ, “Te ọmọ nii ghi wu nẹ ra?” Iran wanniẹn wẹẹ, “Ọ wu nẹ.”

II Samuẹl 12:19 ပူးပေါင်းရင်းမြစ်များ

II Samuẹl 12:18

Ọ ghi rre uzọla ọkpa, ọmọ nii keghi wu, ohan ma gie ekhaẹmwẹ e Devid na iyẹn na ma rẹn. Iran wẹẹ, “Ẹghẹ ne ọmọ na rre agbọn, e Devid ma zẹ mwẹ wanniẹn mwa vbe ima gu ẹe guan. Vbe ima ghi ra tama rẹn hẹ wẹ ovbi ẹre wu? Ọ sẹtin ru egbe ẹre emwi nọ wegbe!”

II Samuẹl 12:20

E Devid keghi kpaegbe vbe otọ, ọ keghi ya khuẹ, ọ salọ eto, ọ na fi ukpọn werriẹ. Ọ kegha rrie uwu owa e Nọyaẹnmwa, ọ na ya ga ẹe. Ọ ghi dọlegbe sẹ ẹguae, ọ keghi nọ evbare, ọ na wa rri ọe ọwarọkpa vbe a mu ne ẹẹn nẹ.

II Samuẹl 13:39

Ẹmwẹ Absalọm keghi kakabọ gha da ọba. Ẹmwẹ uwu Amnọn vbe kpao hin ẹre ekhọe rre nẹ.

I Tẹsalonaika 4:13

Etẹn mwẹ, ma ho ne uwa rẹn ẹmwata ne ọ rre ẹmwẹ emwa ni wulo nẹ, ne uwa ghẹ gha mwẹ irhiaẹko zẹ vbe emwa ne ẹ i mwẹ idaehọ.