II Samuẹl 12:16 - Edo Bible (E Baibol Ẹdo) Version 1996

¹⁶ E Devid keghi na erhunmwu ghe Nọyaẹnmwa wẹ ne egbe rran ọmọ nii. E Devid ma ghi rri evbare. Asọn hia, ọ ghi la ughugha ẹre, ọ ghi ya lovbiẹ ye otọ owa.

II Samuẹl 12:16 ပူးပေါင်းရင်းမြစ်များ

II Samuẹl 12:15

Ẹre Natan na gha rrie. E Nọyaẹnmwa keghi gie ọmọ ne Uraia biẹ ne Devid kakabọ gha khuọnmwi.

II Samuẹl 12:22

E Devid keghi wanniẹn wẹẹ, “Erriọ nọ, ẹghẹ ne ọmọ nii na rre agbọn, I viẹe, I ma vbe rrie evbare. I te gha ro wẹ e Nọyaẹnmwa gha tohan mwẹ, ẹ i ra vbe gie ọmọ nii wu.

II Samuẹl 13:31

Ọba keghi kpaegbe, ọ sọ ukpọn rẹn uan, ọ na degbe otọ. Eguọmwadia ẹre ni vbe gu ẹe rre evba, keghi vbe sọ ukpọn iran uan.

I Ọba 21:27

Elaija ghi guan fo nẹ, Ehab keghi sọ ukpọn irẹn uan, ọ keghi kie ẹre viọ kua, ọ na viọ ukpọn akhiẹ yọ. Ọ ma ghi rri evbare, ọ keghi ya ukpọn akhiẹ vbiẹ, ọ kegha khian huẹẹ, vbe ọmwa ne akhiẹ gbe fi otọ.

Nehimaia 1:4

Ugbẹn vbe I ghi họn ẹmwẹ na, I na de tota, I na gha viẹ egbe mwẹ. I ma rri evbare vbe ikpẹdẹ ni bun, I kegha khiẹ, I na gha na erhunmwu ghe Osanobua,

Ẹsta 4:16

“Ye si avbe Ju ni rre Susa hia koko, wa yo aguẹ ne uwa gha na erhunmwu mẹ. Wa ghẹ re wa ghẹ da la avan eha kevbe asọn eha. Me kevbe ibiẹka ikhuo ni re eguọmwadia mwẹ, gha vbe ru vberriọ. Vbe iyekọni, I gha bu ọba gha khian, a gha rhe miẹn wẹ uhi ma kha vberriọ. A deghẹ te I gha ghi ye uhunmwu khiẹ ọre rhunmwuda ne I na ru vberriọ, a gunmwẹ ye uhunmwu khiẹ ọre.”

Psalm 50:15

Ibaro gha rre, kpe tie mwẹ, I gha miẹn ruẹn fan wẹ ghi do gha rho mwẹ.”

Psalm 69:10

I yo aguẹ ya mu egbe mwẹ rriotọ, emwa keghi gha zan mwẹ.

Aizaia 22:12

Ẹghẹ nii, Oghodua ne Udazi keghi datie uwa ne uwa gha viẹ kevbe ne uwa vbe gha khiẹ, ne uwa khiokhio eto ua, ne uwa vbe rhuan ukpọn akhiẹ.

Aizaia 26:16

Nọyaẹnmwa, wẹ rri avbe emwa ruẹn oya, ugbẹn vbe obọ ghi da iran, iran keghi na erhunmwu ghe ruẹ.

Daniẹl 6:18

Ọba keghi werriegbe gha rrie ẹguae ẹre, ọ ma miẹn ovbe, ọ ma re, ọ ma da, ọ ma ku ọ ma giẹ vbe asọn nii hia.

Daniẹl 9:3

I keghi kakabọ na erhunmwu ghe e Nọyaẹnmwa Osanobua, I kegha rinmwian ẹẹn, I kegha ya ohanmwẹ gbe egbe, I kegha rhuan ukpọn akhiẹ, I na vbe gha tota ye uwu emuẹn.

Jona 3:9

Ọ gha kẹe, Osanobua gha fi ekhọe werriẹ, ọ gha ke ẹe ohu gha fo vbe ẹko ẹre, ma i ghi ra wulo!”

Iwinna 9:9

Vbe ikpedẹ eha vbọ ọ ma sẹtin bẹghe, vbe uwu ẹghẹ nii, ọ ma re ọ ma da.

Jọsua 7:6

E Jọsua kevbe avbe ekaolotu keghi ye akhiẹ sọ ukpọn rẹn uan, ọna de mu aro rhu otọ vbe odaro Ẹkpẹti Ile ọghe Nọyaẹnmwa. Avbe ọkaolotu Izrẹl keghi gu ẹe lovbiẹ ye evba ya sẹ ota. Iran na zẹ ebubẹ ye uhunmwu ne iran ya rhie akhiẹ iran maa.