Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




II Samuẹl 12:13 - Edo Bible (E Baibol Ẹdo) Version 1996

13 E Devid keghi kha wẹẹ, “I ru orukhọ ghe Nọyaẹnmwa nẹ.” E Natan keghi wanniẹn wẹẹ, “E Nọyaẹnmwa ya bọọ, u i ghi ra wu.

အခန်းကိုကြည့်ပါ။ ကော်ပီ




II Samuẹl 12:13
46 ပူးပေါင်းရင်းမြစ်များ  

Vbene irẹn mwẹ asẹ vbe owa na, erriọ mẹ vbe mwẹ, ọ ma he we mwẹ khian sẹ evba vbe egbe emwikemwi vbe ọ ghi gberra uwẹ ne amwẹ ọnrẹn. Vbia ghẹ ghi gu ru emwi dan vberriọ hẹ ne I ya fidọn ghe Osanobua?”


Sokpan, ugbẹn vbe Devid ghi ka ẹvbo nẹ, ekhọe ẹre kegha gu ẹẹ gui, ọ keghi tama e Nọyaẹnmwa wẹẹ, “Emwi ne I ru na, orukhọ dan ọ re I wa ya ẹe ru! Lahọ, yabọ mwẹ. Emwi akpa ọ re I wa ru.”


E Devid keghi bẹghe odibo Osa ne ọ gbele emwa nii, ọ keghi tama e Nọyaẹnmwa wẹẹ, “Mẹ ọrọre ọmwa ne ọ rri abe, mẹ ọ re ọ ba emwi ku ru. De emwi ne ivbi ẹrrẹe na ru? Rri imẹ vbe ẹgbẹe mwẹ oya.”


Ugbẹn vbe Jeroboam ne ọba ghi họn ẹmwẹ na, ọ keghi niẹn obọ da ẹre, ọ wẹẹ, “Wa mu ẹẹn ighẹ okpia nii!” Vbe ọwarọkpa nii, obọ ọba keghi zeze sẹrriọ wẹ ọ ma ghi sẹtin si ẹe werriegbe.


Ugbẹn vbe Ehab ghi bẹghe Elaija, ọ tama rẹn wẹẹ, “U vbe zọ owẹ mwẹ miẹn nẹ ra oghian mwẹ.” Elaija keghi wanniẹn wẹẹ, “Ẹn, I zọ owẹ ruẹ miẹn nẹ rhunmwuda u na wa rhie gba yọ ne u gha ru emwi ne ọ ma gba vbe odaro e Nọyaẹnmwa.


Ehab keghi wanniẹn wẹẹ, “Ọkpa ye rrọọ, Makaia ne ovbi Imla, sokpan I i ho ẹmwẹ ọnrẹn rhunmwuda, ẹ i ta ẹmwẹ esi ma mwẹ, emwi dan nọ vbe ẹghẹ hia.” E Jehosiafat keghi wanniẹn wẹẹ, “Ghẹ kha vberriọ.”


Ẹre ọ na viọ arhin ekigbesiyeha ne ọkaokuo ọkpa ne ọ ya mu Elaija rre. Ọkaokuo nii keghi do vba ẹre vbe ọ tota ye uhunmwu oke ọ keghi tama rẹn wẹẹ, “Ọmwa Osanobua, ọba wẹ ne u gha dee.”


E Devid keghi tama Osanobua wẹẹ, “Orukhọ dan ọ re I wa ru ne I na ru emwi na. Lahọ, yabọ mwẹ, emwi ukọnmwẹ ọ re I wa ruẹ.”


Ọna keghi ya ohu akhasẹ nii mu Asa sẹrriọ ne a na wẹ ne a ya ọgiọrọ rrọ ẹre. Ẹghẹ na ọ re Asa na suẹn gha ru emwa eso vbe uwu emwa ni emwi ne ọ wegbe.


Amezaia keghi gbe eta ye ọre unu wẹẹ, “De ẹdẹ ne ima ghi vbe zẹ uwẹ iguọbaziro yi? Gue unu uẹn vba ne u ghẹ ya ye uhunmwu tae.” Vbe akhasẹ ni ghi te gue unu ẹnrẹn, ọ tama rẹn wẹẹ, “I rẹnrẹn wẹ Osanobua tae nẹ ne irẹn fuẹn ruẹn uan, rhunmwuda ne u na ru avbe emwi na hia kevbe ne u ma na rhie ude ne I bu ruẹ re.”


Ọ ghi ta ẹe ne agbọn họn wẹẹ, ‘I rukhọ. I ma ru vbene ọ kere, sokpan, Osanobua ye miẹn mwẹ fan.


Zẹ vbe ne ahọ rrei ne orrie, erriọ rẹn vbe mu orukhọ mwa khian rrei ne ima.


Wẹ i gualọ ese, te I gha te zọ ghe ruẹ. Ẹko ruẹ i vbe rhiẹnrhiẹn ye ese ne a giẹn uan.


I rukhọ ghe ruẹ nẹ, wẹ ọkpa ọ re I rukhọ ọ ghe I keghi vbe ru emwi ne uwẹ ka ye orukhọ. Rhunmwuda ọnii, u rriase vbe u bu ohiẹn mwẹ emwi ne ọ kere ọ re u ru; vbe u bu abe gbe mwẹ.


Ekhọe ne ọ diae kevbe ẹmwata; ọ re uwẹ ho, ya ẹwaẹn ruẹn vuọn ekhọe mwẹ.


Ọba keghi gie ne a tie Mosis kevbe Errọn, ọ. wẹẹ, “Banbanna nian, I ru orukhọ nẹ, e Nọyaẹnmwa rri ase, mẹ vbe emwa mwẹ rri abe.


Ude ne ọmwa ne ọ kpẹ agbọn rhie ne ọmwa ne ọ mu egbe ne ọ ya danmwehọ, ọ re ọ maa sẹẹ avbe oroka igoru emwitegbe ne a ye igoru ne ọ maa sẹẹ ru.


U gha gbe gue orukhọ ruẹ, agbọn i maa ruẹn ẹdẹ, miẹn iran kue ne u vbe zobọ vbọ, Osanobua gha tohan ruẹn.


Orriara mwẹ gha fiwerriẹ khian ọfumwegbe u miẹn ẹdẹ agbọn mwẹ fan hin obọ ẹbe hia rre, u ya orukhọ mwẹ hia bọ mwẹ.


Wa ma dẹ eturari mẹ, a ma ghi wẹ wa gha ya ẹvbi aranmwẹ vuọn mwẹ ẹko, sokpan, wa keghi ya ẹmwẹ orukhọ uwa mu ihẹ mẹ. Wa ya ẹmwẹ abakuru uwa wọọ mwẹ egbe. Wa keghi ya ẹmwẹ orukhọ ne uwa ru wiẹn mwẹ uan.


I kpolo orukhọ ruẹ gha rrie zẹ vbe okuku amẹ. Werriegbe bu mwẹ gha dee, mẹ ọrọre ọmwa ne ọ miẹn ruẹn fan.”


Ọ sẹtin gie ima miẹn akhiẹ sokpan ahoẹmwọmwa rẹn ghe mwa re ne aro dae kevbe ne ọ deziẹn ẹsẹse.


Omwa gha gu amwẹ ovbi Izrẹl ru oghẹ, a ghi gbele irẹn vbe okhuo nii uan.


“Ọmwa ne ọ de izigha, a ghi gbe ẹe rua.


Odibosa nii keghi tama avbe ikuekẹn ne ọkpọmwa rẹn wẹẹ, “Wa bannọ avbe ukpọn ni gbiruẹn ne okpia na hẹ ye egbe.” Rẹn keghi vbe tama e Jọsua wẹẹ, “I viọ orukhọ ruẹ hin rre nẹ, I gha viọ ukpọn ọgbọn ne uẹn ne u hẹ ye egbe.”


Rhunmwuda ọnii ọre iran na ya fian e Jọn uhunmwu vbe uwu eghan.


Ovbi ẹre keghi tama rẹn wẹẹ, ‘Evbavba, I rukhọ ghe Osanobua kevbe uwẹ nẹ, I ma kei ne a gha ye gha tie ẹre ovbi uẹ ọvbehe.’


Ne ọ koko igho uhunmwu na ya mudia vbe urria, ohan ma gi ẹe tọn aro mu ghe odukhunmwu, sokpan ọ keghi gba obọ ginna ẹwẹe, ọ wẹẹ, ‘Osanobua tohan mwẹ, mẹ ne ọmwa orukhọ.’ ”


Ugbẹn vbe iran họn ẹmwẹ na, orhiọn iran ma ghi sẹ otọ, iran keghi nọ Pita kevbe avbe ukọ nekpa wẹẹ, “Etẹn de emwi ne ima ghẹ ghi ru nian?”


Akpawẹ erriọ nọ, ẹghẹ ni bun ọre ọ gha ya rri oya ke ne agbọn ya suẹn gha dee. Sokpan rẹn keghi ladian nian uhukpa ọghe ọfo vbe otọ, ne ọ do ya egbe ẹre zọ ese ya kpe orukhọ kua, vbe ẹghẹ na ne emwi hia ni rrọọ ghi na ye egbe rrie ufomwẹ.


Sokpan deghẹ ma rre uwu uwanmwẹ zẹ vbene irẹn vbe rre uwu uwanmwẹ, ẹghẹ nii, ọre ima na gu egbe mu obọ, esagiẹn Jesu ne Ovbi ẹre ghi ye ima khian ne ọ huanrẹn hin orukhọ hia rre.


Kevbe ke ehe ne Jesu Kristi ne ọre osẹe ẹmwata ye ghe dee, ọmọdiọn ne a biẹe kevbe ne a vbe huẹn kpao vbe idin, ọmwa ne ọre ne ọ khaemwisẹ yan avbe ọba ni rre otọ agbọn hia. Rẹn ho ẹmwẹ mwa, ọ keghi ya ekpa uwu ne ọ wu fannọ ima kua hin obọ orukhọ mwa rre.


E Sọl keghi kha wẹẹ, “I ru vbene e Nọyaẹnmwa kha re. I ladian gha khian vbene ọ wẹ ne I ru, I mu ọba Agag gha dee, I keghi gbele emwa Amalẹk hia.


E Sọl keghi wanniẹn wẹẹ, “I rukhọ nẹ, sokpan, mu uyi yọmwẹ egbe vbe sirra avbe ọkaolotu emwa mwẹ kevbe Izrẹl hia. Lele mwẹ werriegbe ne I miẹn ehe na ya ga e Nọyaẹnmwa ne Osanobua ruẹ.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ