II Samuẹl 12:11 - Edo Bible (E Baibol Ẹdo) Version 1996

¹¹ I vbe yan ma ruẹn nian wẹ I gha ru ẹe ne ovbi uwowa ruẹ gha si ọlọghọmwa ye uẹ egbe. U gha ye aro miẹn uẹn vbe I gha viọ avbe amwẹ ọẹn ne okpia ọvbehe, ọ ghi gha gu iran ru emwi ọdọ vbe amwẹ vbe ogiavan ogioghogho.

II Samuẹl 12:11 ပူးပေါင်းရင်းမြစ်များ

II Samuẹl 15:10

Sokpan, ọ keghi gie ya tama ẹwae ni rre Izrẹl hia wẹẹ, “Wa gha họn vbe a kpe okpe, wa ghi kha wẹẹ, ‘Absalọm rriọba nẹ vbe Hibrọn!’ ”

II Samuẹl 15:14

Ẹre Devid na tama ekhaẹmwẹ ọnrẹn ni gue ẹe rre Jerusalẹm wẹẹ, “Te ima gha zẹgiẹgiẹ ladian ne a miẹn ehe na miẹn uhunmwu vbe obọ Absalọm. Ẹgiẹgiẹ, ne ọ ghẹ ya rre banbanna, obọ ẹre ghi ke ukhunmwu ne ima, ọ ghi gbele emwa hia ni rre ore ẹvbo ua.”

II Samuẹl 15:6

Erriọ ọ re Absalọm wa gha ru emwa hia ni bu ọba rre ne ọ bu ohiẹn iran. Erriọ ọ ya silo ehia ba egbe.

II Samuẹl 16:11

Ẹre Devid na tama Abisiai kevbe avbe ekhaẹmwẹ ọnrẹn hia wẹẹ, “Ovbi imẹ wẹ rẹn ra gbe mwẹ uan, vbọzẹ ne ẹmwẹ ovbi e Bẹnjamin na, na yan uwa unuan yi? Wa sẹ ọe rae ne uwa gie ẹe gha rhovbiẹ mwẹ, rhunmwuda, e Nọyaẹnmwa ọ re ọ gie ẹe.

Job 31:10

ẹghẹ nii, giẹ ọvbokhan mwẹ le evbare okpia ọvbehe. Ne ọ vbe ya gha vbiẹ ukpo okpia ọvbehe.

Ezikiẹl 14:9

“A deghẹ akhasẹ ghi vbe khian ne a rẹrẹe, ọ na ya gha rhie ewanniẹn ohoghe ne emwa, emwi ne ọ si ẹe ọrọre wẹẹ, Mẹ ne Nọyaẹnmwa ọ re ọ rẹrẹ ọe. I gha yuo ẹre hin uwu ẹbu ivbi Izrẹl rre.

Diuteronomi 17:17

Ọba ghẹ viọ ikhuo ni bun, ọna gha ya ẹe fi iyeke gbe Nọyaẹnmwa, ọ ghẹ ya esiliva kevbe igoru họn ẹfe ne egbe ẹre.

Diuteronomi 28:30

“A gha ya ọmọ ne uwa sokpan ọmwa ọvbehe ghi mu ẹẹn ya gha, wa gha bọ owa, sokpan wa i ra yin ẹnrẹn. Wa gha kọ emwiokọ, sokpan, wa i ra rhọ ẹre.