II Samuẹl 11:8 - Edo Bible (E Baibol Ẹdo) Version 1996

⁸ Ọ keghi tama Uraia wẹẹ, “Sua owẹ sẹ owa ne u ya hẹwẹ kherhe.” Uraia keghi kpao, e Devid na viọ emwi ihaoko gha rrie ọ re owa.

II Samuẹl 11:8 ပူးပေါင်းရင်းမြစ်များ

Gẹnẹsis 18:4

Gunmwẹ wẹ ne iran sa amẹ ya kpe uwa owẹ, wa sẹtin hẹwẹ vbe emwana, vbe ototọ erhan na.

Gẹnẹsis 19:2

Ọ na kha wẹẹ, “Adazẹ, te I rre do mu ọghọ ye uwa egbe, lahọ wa gha die owa mwẹ, wa sẹtin kpe owẹ ne uwa gbe asọn na mwa. Wa sẹtin rhiọ vbe owiẹ ne uwa gha rrie ehe ne uwa rrie.” Sokpan iran wanniẹn wẹẹ, “Ẹn o, adesẹ ore vbe ihuada ẹvbo na ma ra vbiẹ.”

Gẹnẹsis 43:24

Ọguọmwadia nii keghi viọ emwa nii gha die owa e Josẹf, ọ keghi sa amẹ ne iran ya kpe owẹ, Ọ na rhie evbare ne ekẹtẹkẹtẹ iran.

Gẹnẹsis 43:34

A kegha ke eteburu e Josẹf viọ evbare gie iran. A keghi gie evbare Bẹnjamin ye ukhukhu isẹn sẹ ọghe iran nekpa. Iran keghi guẹe re, guẹe da, ayọn te do gha gbe iran.

Psalm 12:2

Te iran hia wa ta ohoghe ma egbe. Iran ghi gha ye arhẹrhẹ mu egbe rẹrẹ.

Psalm 44:21

wẹ gha wa gualọ ẹe miẹn nẹ, rhunmwuda, wẹ rẹn iro ẹkhokho ekhọe mwa.

Psalm 55:21

Ẹmwẹ unu ẹnrẹn rriẹ sẹ owọn, sokpan ohu ọmwa mu ọmwa rre ọre uwu ekhọe, ẹmwẹ unu ẹnrẹn rọkhọ emwi sẹ ofigbọn, sokpan, te ọ giagia emwi vbe umozo ne ọ mu.

Aizaia 29:15

Ọghe iran fo ighe avbe emwa ni ho ne iran gha rhie emwamwa iran lẹre ne Osanobua. Iran ru emwi ne iran mwamwa ẹn vbe ẹkhokho, iran ghi vbe gha ro wẹ ọmwarhọkpa i ra bẹghe iran, ra ne iran rẹn emwi ne iran ru.

Iyẹn ne ọ Maan Ọghe Luk 12:2

Emwi hia ne a gue ginna otọ, a gha we ẹre rua, emwi ẹkhokho hia gha dinna azagba.

Iyẹn ne ọ Maan Ọghe Luk 7:44

Rẹn keghi mu aro da okhuo nii, ọ tama Saimọn wẹẹ, “U ma miẹn okhuo na? Vbe I la owa ruẹ, u ma sa amẹ mẹ ya kpe owẹ, sokpan rẹn ye ameve ẹre kpe mwẹ owẹ, ọ keghi ya eto ne uhunmwu ẹnrẹn khiẹn rẹn uan.

Hibru 4:13

Emwi ọkpa ne a sẹtin rhie lẹre ne Osanobua ẹ i rrọọ. Emwi hia ni rre ehe ne agbọn sẹe ehe ne ọ rhanmwẹ, te a fannọ ehia a, a na vbe wa ẹre ye otọ vbe odaro ẹre. Rọẹn ni ọre ima ra ya ye unu mwa na iyẹn egbe mwa ma.