II Samuẹl 11:7 - Edo Bible (E Baibol Ẹdo) Version 1996

⁷ Uraia ghi rre, e Devid keghi nọ rẹn deghẹ ọ ye Joab kevbe ivbiyokuo ẹse, kevbe vbene igbinna ghi ye hẹẹ.

II Samuẹl 11:7 ပူးပေါင်းရင်းမြစ်များ

Gẹnẹsis 29:6

Ọ keghi nọ iran wẹẹ, “Deghẹ egbe rran rẹn?” Iran wanniẹn wẹẹ, “Egbe rran rẹn, wa ghe ovbi ẹre ighẹ Rekiẹl viọ ohuan rẹn dee.”

Gẹnẹsis 37:14

Erha ẹe keghi tama rẹn wẹẹ, “Gha khian, ya ghe ẹre a deghẹ ọ ye avbe etuẹn kevbe avbe ohuan ẹse; u ghi dọlegbe gha de do tama mwẹ.” Ẹre erha ẹe na giẹe ke iya Hibrọn kpao. Ugbẹn vbe Josẹf ghi sẹ Siẹkẹm.

II Samuẹl 11:6

Ẹre Devid na gie emwa bu e Joab gha khian wẹẹ, “Tie Uraia ne ovbi a Hiti gun mwẹ.” Ẹre e Joab na tie ẹre gie e Devid.

Ẹksọdọs 18:7

E Mosis keghi khian bu ẹre sẹ odẹ, ọ mu ẹko rhu otọ nẹẹn, ọ keghi ya unu soso ẹre unu. Iran nọ egbe ẹmwẹ egberranmwẹ iran, iran na la uwu owa ukpọn e Mosis.

I Samuẹl 17:22

E Devid keghi viọ evbare ne ọmwa ne ọ gha evbare, ọ na rhulẹ gha rrie odaro okuo, ọ na bu etiọnrẹn gha khian ya nọ iran vbene ọ ye iran hẹ.