II Samuẹl 11:3 - Edo Bible (E Baibol Ẹdo) Version 1996

³ Rẹn keghi gie orhiọnkpa ne ọ ya gualọ otọ ọmwa ne ọ khin, ọ keghi miẹn wẹ Batsiẹba ne ovbi Eliam nọ, ọ keghi re amwẹ Uraia ne ovbi e Hiti.

II Samuẹl 11:3 ပူးပေါင်းရင်းမြစ်များ

II Samuẹl 12:3

Vbene ovbiogue ne ọ rrọọ na gha mwẹ oteghe ohuan ọkpa kẹkan ne ọ dẹe. Ọ kegha koko ẹe, uwowa ẹre ọ re ọ na wan rre deba avbe ivbi ẹre. Evbare ne irẹn re ọ re ọ na vbe ya koko ẹe, ọ ghi vbe gie ẹe gha wọn amẹ vbe uwu ukpu ẹre, ọ ghi vbe gha mu ẹẹn yan ekuawẹ ọre. Oteghe ohuan nii keghi ye vbe ọmọ okhuo ne ẹẹn.

I Ọba 15:5

E Nọyaẹnmwa ru emwi na rhunmwuda e Devid ru emwi ne ọ yẹ ọre, ọ ma vbe rra iyi ẹre rhọkpa gberra ẹmwẹ Uraia ne ovbi ẹvbo Hiti.

I Krọnikol 3:5

Amwẹ ọnrẹn ighẹ Batsiẹba ne ovbi Amiẹl keghi biẹlẹ emọ ikpia enẹ nẹẹn, ena ọre Simea, Siobab, Natan kevbe Solomọn.

Itan 6:25

Ghẹ gie ose iran viẹn ye uẹ aro, ghẹ gie aro iran ne wẹnwẹnwẹn khuẹn ifi mu ẹẹn.

Jerimaia 5:8

Iran ye vbe ẹsin ọwọe ne a koko ẹse, ọ keghi la iran uhunmwu sẹrriọ wẹ ẹ i ghi gie iran ya rẹn enegbe, ne dọmwadẹ ọghọe ghi na kpe lele amwẹ ogieva ẹre.