II Samuẹl 11:27 - Edo Bible (E Baibol Ẹdo) Version 1996

²⁷ Ẹghẹ akhiẹ ghi gberra nẹ, e Devid keghi ya rhie ẹre gha die ẹguae. Okhuo nii na khian amwẹ ọnrẹn, ọ keghi biẹ ọmọ okpia ọkpa ne ẹẹn, sokpan ẹko e Nọyaẹnmwa ma rhiẹnrhiẹn ye emwi ne Devid ru na.

II Samuẹl 11:27 ပူးပေါင်းရင်းမြစ်များ

Gẹnẹsis 38:10

Emwi ne ọ ru keghi sọnnọ Nọyaẹnmwa, E Nọyaẹnmwa na vbe gbe ẹe rua.

II Samuẹl 12:9

Vbọzẹ ne u na rra uhi mwẹ? Vbọzẹ ne u na ru emwi dan na. U wẹ ne iran gbe Uraia rua vbe okuo, u gie iran ne ivbi Amọn gbe ẹe rua. Iyeke ọnii, u keghi rhie amwẹ ọnrẹn.

II Samuẹl 15:26

Sokpan, adeghẹ ẹmwẹ mwẹ ma ghi ye ọre, ọ maa, wẹ ne ọ ru mwẹ emwi ne ọ rre irẹn ekhọe.”

I Ọba 21:16

Ehab keghi gele wa gha khian ọwarọkpa ne ọ ya mu.

I Ọba 21:20

Ugbẹn vbe Ehab ghi bẹghe Elaija, ọ tama rẹn wẹẹ, “U vbe zọ owẹ mwẹ miẹn nẹ ra oghian mwẹ.” Elaija keghi wanniẹn wẹẹ, “Ẹn, I zọ owẹ ruẹ miẹn nẹ rhunmwuda u na wa rhie gba yọ ne u gha ru emwi ne ọ ma gba vbe odaro e Nọyaẹnmwa.

I Krọnikol 21:7

Emwi ne a ru keghi sọnnọ Osanobua, ọ na rhunmwuda ọnii rri ivbi Izrẹl oya.

Psalm 5:6

Wẹ fuẹn avbe ọhọn ohoghe fo fẹẹrẹ, wẹ keghi vbe sọnnọ emwa ibalegbe kevbe emwa erẹrẹ

Itan 6:29

Erriọ ọ re ọ wa vbe rhia sẹ zẹẹ ne ọmwa rhikhan mu amwẹ ẹrrẹe. ọmwa ne ọ rhirhi danmwẹ ọẹn, ọ gha rrioya.

Aizaia 29:15

Ọghe iran fo ighe avbe emwa ni ho ne iran gha rhie emwamwa iran lẹre ne Osanobua. Iran ru emwi ne iran mwamwa ẹn vbe ẹkhokho, iran ghi vbe gha ro wẹ ọmwarhọkpa i ra bẹghe iran, ra ne iran rẹn emwi ne iran ru.

Eve Orriara 3:36

A gha khiẹn ohiẹn bu vbe iko, ọ vbe rẹn.

Matiu 1:6

Devid ọre ọ biẹ Solomọn (iye ẹe ọre ọ kagha re amwẹ Uraia.)

Diuteronomi 22:29

Ọ ghi ya ha igho ne a mu ye okhuo uhunmwu igho esiliva ekigbe siyeha gie erhae, okhuo ni ghi khian amwẹ ọnrẹn, rhunmwuda ẹtin vbe iwegbe ọ re ọ ya mu ẹẹn gu ẹe ru emwi. Ẹ i sẹtin khu ẹe ọ te ya wu.

Hibru 13:4

Ọ kere ne emwa hia gha ye ọghọ ne orọnmwẹ, ọdọ vbe amwẹ ghi gha re emwa ne ẹ i fi owẹ ye oha, Osanobua gha bu ohiẹn iran ni gbe alama kevbe ni ru oghẹ.