II Samuẹl 11:26 - Edo Bible (E Baibol Ẹdo) Version 1996

²⁶ E Batsiẹba ghi họn ighẹ iran gbe ọdọ ẹre ua, ọ keghi khiẹ ọre.

II Samuẹl 11:26 ပူးပေါင်းရင်းမြစ်များ

Gẹnẹsis 27:41

Ẹko Jekọb kegha khọ Isọ rhunmwuda ne erha ẹe na rhie afiangbe ẹnrẹn nẹẹn, ọ na rorẹe wẹẹ, “Ẹghẹ ne a gha ya khiẹ uwu erha mwẹ sotọ fo nẹ, ọ gha gbe rra nẹ I ghi gbe Jekọb rua.”

Gẹnẹsis 50:10

Ugbẹn vbe iran ghi sẹ ehe ne a na wiẹn ọka vbe Atad vbe olarre ovẹn Jọdan, iran keghi ru ugamwẹ irorinmwi ne ọ taẹn ẹsẹse, e Josẹf keghi ru iruemwi akhiẹ la ikpẹdẹ ihinrọn.

II Samuẹl 11:25

E Devid keghi tama ọmwa ne a gie rre nii wẹẹ, “Rhie igiẹdu ne Joab wẹ ne ọ ghẹ gie ẹtin fu ẹe rhunmwuda, a i rẹn ne ọ wu vbe okuo. Tama rẹn ne ọ kakabọ dekun ẹvbo nii ne ọ khọn rẹn.”

II Samuẹl 14:2

Rhunmwuda ọnii, e Joab keghi gie ne a tie okhuo ne umẹwaẹn ọkpa ne ọ rre Tẹkoa wẹ ne ọ bu irẹn gha dee. Ọ keghi tama okhuo nii wẹẹ, “Ba ru vbene a miẹn wẹ akhiẹ ọ re u ye, viọ ukpọn akhiẹ ye egbe, ghẹ vbe salọ eto ruẹ. U ghi ru zẹ vbe okhuo ne ọ kpẹre ne ọ kegha khiẹ.

II Samuẹl 3:31

Ẹre Devid na wẹ ne Joab kevbe emwa rẹn sọ ukpọn iran uan, ne iran viọ ukpọn akhiẹ rhuan, ne iran khiẹ Abna. Ugbẹn vbe iran ghi re ẹre, e Devid ne ọba tobọ ẹre keghi ya owẹ khian lele ẹkpẹti orinmwi ẹnrẹn.

I Ọba 21:16

Ehab keghi gele wa gha khian ọwarọkpa ne ọ ya mu.

Diuteronomi 34:8

Ivbi Izrẹl keghi ye ikpẹde ọgban khiẹ ọre vbe otọe ne ọ rriẹe ọghe Moab. Ẹghẹ ne a ya khiẹ e Mosis keghi fo.

I Samuẹl 31:13

Iran keghi viọ ugboloko ni rrọọ, iran keghi re ẹre ye ẹzi erhan e tamarisk vbe ẹvbo nii, iran na khiẹ la ikpẹdẹ ihinrọn.