II Samuẹl 11:17 - Edo Bible (E Baibol Ẹdo) Version 1996

¹⁷ Ivbiyokuo avbe eghian keghi ladian hin adesẹ ore ẹvbo rre, iran keghi gu ivbiyokuo e Joab gbinna, iran keghi gbele eso vbe uwu emwa ni rre asẹ vbe ototọ Joab; iran kevbe gbe Uraia.

II Samuẹl 11:17 ပူးပေါင်းရင်းမြစ်များ

II Samuẹl 11:16

Ẹre a na miẹn wẹẹ, ẹghẹ ne Joab na wa suẹn gha khọn la adesẹ ore ẹvbo ni, ọ na wẹ ne Uraia gha rrio ehe ne ọ rẹnrẹn wẹ avbe eghian na wegbe ẹsẹse.

II Samuẹl 11:18

Ẹre Joab na gie ya na iyẹn ma e Devid vbene ẹmwẹ okuo ye hẹ.

II Samuẹl 11:21

Wa ma ghi yerre vbene iran ya gbe Abimẹlẹk ne ovbi e Gidiọn hẹ. Ẹvbo ne a tie ẹre e Tebẹz ẹre okhuo na mu olọ ke uhunmwu ekẹn gbẹe, ọ na gbe ẹe rua. Vbe uwa ghi na ya sikẹ ekẹn sẹrriọ hẹ? Ọba gha nọ ruẹn vberriọ, u ghi tama rẹn wẹẹ ọmwa ne ọ rre asẹ vbe ototọ ruẹ ighẹ Uraia, iran vbe gbe ẹe rua.’ ”

II Samuẹl 12:9

Vbọzẹ ne u na rra uhi mwẹ? Vbọzẹ ne u na ru emwi dan na. U wẹ ne iran gbe Uraia rua vbe okuo, u gie iran ne ivbi Amọn gbe ẹe rua. Iyeke ọnii, u keghi rhie amwẹ ọnrẹn.

Psalm 51:14

Fi mwẹ yi Nọyaẹnmwa, ne u miẹn mwẹ fan, mẹ gha ya oghọghọ na iyẹn ẹmwata ruẹ.