II Samuẹl 11:16 - Edo Bible (E Baibol Ẹdo) Version 1996

¹⁶ Ẹre a na miẹn wẹẹ, ẹghẹ ne Joab na wa suẹn gha khọn la adesẹ ore ẹvbo ni, ọ na wẹ ne Uraia gha rrio ehe ne ọ rẹnrẹn wẹ avbe eghian na wegbe ẹsẹse.

II Samuẹl 11:16 ပူးပေါင်းရင်းမြစ်များ

II Samuẹl 11:15

Ọ na gbẹn wẹẹ: “Rhie Uraia ye odaro igbinna vbe ehe ne ọ na yọn sẹẹ, wa ghi he ẹe yọ ne u wa gie obọ vba ẹre.”

II Samuẹl 11:17

Ivbiyokuo avbe eghian keghi ladian hin adesẹ ore ẹvbo rre, iran keghi gu ivbiyokuo e Joab gbinna, iran keghi gbele eso vbe uwu emwa ni rre asẹ vbe ototọ Joab; iran kevbe gbe Uraia.

II Samuẹl 11:21

Wa ma ghi yerre vbene iran ya gbe Abimẹlẹk ne ovbi e Gidiọn hẹ. Ẹvbo ne a tie ẹre e Tebẹz ẹre okhuo na mu olọ ke uhunmwu ekẹn gbẹe, ọ na gbe ẹe rua. Vbe uwa ghi na ya sikẹ ekẹn sẹrriọ hẹ? Ọba gha nọ ruẹn vberriọ, u ghi tama rẹn wẹẹ ọmwa ne ọ rre asẹ vbe ototọ ruẹ ighẹ Uraia, iran vbe gbe ẹe rua.’ ”

II Samuẹl 3:27

Abna ghi sẹ Hibrọn, e Joab keghi rhie ẹre ghe efẹn ọkpa vbe onurho ẹvbo vbe ne a miẹn wẹ te ọ ra si ẹre uma, ọ keghi bi agbada ye ọre ẹko vbe evba. Rhunmwuda ọnii, iran keghi gbe Abna an, rhunmwuda ne ọ na gbe Asahẹl ne ọtẹn Joab.

I Ọba 2:5

“Emwi ọvbehe ye vbe rrọọ. U yerre emwi ne Joab ru mwẹ re ne ọ na gbele avbe ọkaokuo Izrẹl eva, Abna ne ovbi e Niẹ kevbe Amasa ne ovbi e Jeta. U yerre wẹ ẹ i re te a khọn okuo vbe ọ gbele iran an ba ẹmwẹ emwa ne iran gbele vbe ẹghẹ okuo. U miẹn nian, ọ gbele emwa ni ma ru khọ nẹ, a keghi ka ẹe ye ime urhu, mẹ ọ ghi ye uhunmwu tọn emwi ne ọ ke ẹre ikian mu.

II Ọba 10:6

E Jehu kevbe gbẹn ebe ọvbehe gie iran wẹẹ, “A deghẹ otu mwẹ wa ye, a deghẹ wa gha ru emwi ne I rhirhi tama uwa, wa viọ uhunmwu ivbi Ehab ne ọba bu mwẹ gha die Jezrẹl vbe ọ te sẹ ẹghẹ na akhuẹ.” Avbe ekamakodin ekigbesiyenẹ ni rre Sameria, ọ re avbe ivbi Ehab ne ọba ekigbesiyenẹ gue, iran ọ re ọ koko iran, ma iran emwi.

Itan 29:12

Ọmwa ne ọ khaemwisẹ gha danmwehọ ẹmwẹ ohoghe ne a ta ma rẹn, ewọe ẹre hia ghi do khian ọhọn ohoghe.

Hozia 5:11

Iran wa wọ Izrẹl uhunmwu, otọe ne ọ te re ọghe obọ ẹre, erhọkpa i ghi gue ẹe rhunmwuda, ọ keghi wa muẹn yan uhunmwu wẹ obọ emwa ne ẹ i sẹtin ru iyobọ, ọre irẹn gha na ya gha nọ iyobọ.

Iwinna 5:29

Pita kevbe avbe ukọ nekpa wanniẹn wẹẹ, “Ne Osa khare ọre ima ra ya ru emwi ighẹ ẹ i re ne emwi ne agbọn khare.