II Samuẹl 11:10 - Edo Bible (E Baibol Ẹdo) Version 1996

¹⁰ E Devid ghi họn wẹẹ, Uraia ma ye owa, ọ keghi nọ rẹn wẹẹ, “Ke ne u ghi kpao vbe ẹghẹ ne ọ kpẹre gha dee, te u vbe khian rre na, vbọzẹ ne u ma na gha rrie owa yi?”

II Samuẹl 11:10 ပူးပေါင်းရင်းမြစ်များ

II Samuẹl 11:11

Uraia keghi wanniẹn wẹẹ, “Ikpia hia ni rre Izrẹl kevbe Juda kpao vbe owa gha rrie okuo, Ẹkpẹti Ile vbe deba iran gha rre evba, e Joab ne ọkaokuo imẹ kevbe avbe emwa ni rre asẹ vbe ototọ ẹre hia rre oha. Vbe imẹ ghi ra gha rrie owa hẹ, ne I ya gha re, ne I ya gha da, kevbe ne I ya gha tie ọvbokhan mwẹ ovbe. A rrie agbọn, a rrie ẹrinmwi, I i danmwẹ emwi vberriọ.”

II Samuẹl 11:9

Sokpan, Uraia ma yo owa, ọ keghi gu iran ni khẹ onurho ẹguae vbiẹ evba.

II Samuẹl 12:1

E Nọyaẹnmwa keghi gie Natan ne akhasẹ gie Devid. E Natan keghi bu ẹre gha khian, ọ tama rẹn wẹẹ, “Ikpia eva keghi gha rre ẹvbo ọkpa, ọkpa vbọ fe, sokpan, nọkpa kegha re ovbiogue.