II Samuẹl 10:3 - Edo Bible (E Baibol Ẹdo) Version 1996

³ Avbe ọkaolotu ivbi Amọn keghi tama ọba iran wẹẹ, “Te uwẹ ro ighẹ te Devid gie emwa na uhunmwu ọdamwẹ guẹ ne ọ gele ya rhie ọghọ ne erhaa? Hiehiere, te ọ gie iran rre zẹ vbe ọrhẹ, ne iran do ba otọe na ghe, ne iran miẹn ehe na sẹtin khọn ima muotọ.”

II Samuẹl 10:3 ပူးပေါင်းရင်းမြစ်များ

Gẹnẹsis 42:16

Wa gie ọkpa vbe uwu uwa ya rhie ẹre rre. A gha viọ uwa ni dekẹe ne emwa viọ mwẹ rhinrin a tedo rẹn ẹmwata ne ọ rre ẹmwẹ ne uwa tae. A deghẹ ẹ i re erriọ, omwa vbene Fero na ye rrọ, ọrhẹ wa Khin.”

Gẹnẹsis 42:9

Ọ keghi ye imina ne irẹn minaẹn vbe ekpa iran rre, ọ na kha wẹẹ, “Ọrhẹ wa khin, te uwa do ghe ehe ne ọ gha rọkhọ ne uwa na dekun ẹvbo mwa.”

II Samuẹl 3:25

Te ọ rre do rẹrọọ, ne ọ do rẹn ehe ne u yo hia, kevbe emwi ne u ru hia. Wẹ tobọọ rẹn ọnii!

I Krọnikol 19:3

Avbe ọkaolotu Amọn ke tama ọba wẹẹ, “Te uwẹ ro wẹ te Devid gie emwa na do miẹn ọẹn rhunmwuda ne ọ na ya ọghọ ne erha a? Te ọ gie iran rre zẹ vbe ọrhẹ ne iran do ghe otọe na ghe ne ọ miẹn ehe na do khọn rẹn!”

I Kọrinti 13:5

Aho ẹmwẹ ọmwa ẹ i yin uyinmwẹ ọrhiae, emwi i da ẹe, egbe i kan ẹn, aho ẹmwẹ ọmwa i vin ọgbọ emwi abakuru.

I Kọrinti 13:7

Ẹtin i fo aho ẹmwẹ ọmwa ne ọ zobọ iyayi, idaehọ kevbe i ziengbe ẹre i fi raa.