II Samuẹl 10:18 - Edo Bible (E Baibol Ẹdo) Version 1996

¹⁸ Ivbi e Siria keghi lẹ hin odaro ivbi Izrẹl rre. E Devid kevbe emwa rẹn keghi gbele arhin iyihi-nrọn (700) vbe ivbi Siria ni gua ikẹkẹ okuo, iran ni hin ẹsin arriaisẹn iyeva (40,000) iran kevbe kuan Siobak ne ọkaokuo avbe eghian, ọ keghi ye vbe wu ye ehe ne iran na gbinna.

II Samuẹl 10:18 ပူးပေါင်းရင်းမြစ်များ

II Samuẹl 10:17

E Devid ghi họn, ọ keghi si ivbiyokuo Izrẹl koko, ọ na fian Ẹzẹ Jọdan rra, ọ na gha rrie Helam ne ivbi e Siria na ghae mu aro do ẹre. Ẹre igbinna na saa.

II Samuẹl 8:4

E Devid keghi khọn munọ arhin iyisẹn yan arria erẹnrẹn (1,700) vbe uwu iran ni hin ẹsin ẹnrẹn kevbe arriaisẹn ugie (20,000) vbe ivbiyokuo nii ya owẹ khian, ọ keghi vbe ya ẹsin nii si ikẹkẹ okuo ẹre khian uke, ọ na viọ ẹsin nii gha sẹtin si ikẹkẹ okuo iyisẹn (100) ye otọ vbọ.

I Ọba 11:24

Rẹn keghi do khian ọkaolotu avbe ikpata eso (Emwi na keghi sunu vbe Devid khọn Hadadeza miotọ nẹ ne ọ na vbe gbele avbe ọba ẹ Siria ni ga gie ẹe.) E Rezọn kevbe emwa rẹn kegha rre Damaskọs, emwa rẹn na ya ẹe ma ọba e Siria.

I Krọnikol 19:18

Ivbi Izrẹl keghi khulo ivbi e Siria ghe iyeke, e Devid kevbe emwa rẹn keghi gbele emwa ni hin ikẹkẹ okuo arriaisẹn ihinrọn (7,000) vbe ivbi e Siria, deba ivbiyokuo ni ya owẹ khian arriaisẹn iyeva (40,000). Iran keghi vbe gbe Siobak ne ọkaokuo nọkhua ọghe ivbi e Siria.

Psalm 18:38

I gbele iran ku otọ, iran i ghi sẹtin kpao iran lovbiẹ vbe odaro vbene obọ mwẹ na gba iran.

Psalm 46:11

E Nọyaẹnmwa ne Oghodua rrọ yaba mwa Osanobua Jekọb ọrọre ugue mwa.

Psalm 68:2

Zẹ vbene a hoho ighogho kua, erriọ ọ re ọ hoho iran gha rriẹ. Zẹ vbene odan ranran vbe erhẹn erriọ ọ re emwa dan lua vbe odaro Osanobua.

Giọgis 4:2

Ẹre Nọyaẹnmwa na gie Jabin ọba ọkpa ọghe Kenan ne ọ gha rriọba vbe Hazọ khọn miẹn iran otọ. Ọmwa ne ọ gha re ọkaokuo ẹre kegha re Siseria ne ọ gha rre Harosiẹt ọghe iran ne ẹ i re Ju.

Giọgis 4:22

Ugbẹn vbe Balak ghi gualọ e Siseria sẹ evba, e Jaẹl keghi khian bu ẹre sẹ odẹ ọ tama rẹn wẹẹ, “Larre vbe edinran, I gha ma ruẹn ọmwa ne u gualọ.” Rẹn keghi lele ẹe la owa, ọ ghi ghe ghe Siseria vbe otọe, ọ wu, ise ne a ya tan owa ukpọn ha ẹre uhunmwu ladian.

Giọgis 5:26

ọ rhie ukeke owa ukpọn ye obọkpa, ọ rhie umọmọ iwinna ye obọ nọkpa, ọ fi e Siseria emwi, ọ na guọghọ ẹre uhunmwu. Ọ hae fua, ọ na rẹnkhẹn ọẹn ruan.