II Samuẹl 10:12 - Edo Bible (E Baibol Ẹdo) Version 1996

¹² U ghi din! Gia gbinna ẹsẹse ne emwa ima, kevbe ne ẹvbo Osanobua mwa. E Nọyaẹnmwa ne ọ ru enọ ye ọre sẹẹ.”

II Samuẹl 10:12 ပူးပေါင်းရင်းမြစ်များ

II Samuẹl 10:11

E Joab keghi tama rẹn wẹẹ, “U gha miẹn ighẹ obọ ivbi e Siria ra ke odukhunmwu mẹ, u ghi gha dee do yọmwẹ obọ. A deghẹ obọ ivbi Amọn ra ke odukhunmwu ne ọwuẹ, I gha do yọ uẹ obọ.

II Samuẹl 15:26

Sokpan, adeghẹ ẹmwẹ mwẹ ma ghi ye ọre, ọ maa, wẹ ne ọ ru mwẹ emwi ne ọ rre irẹn ekhọe.”

I Krọnikol 19:13

Wegbe ne u vbe din! Gie ima kakabọ gbinna ne emwa ima kevbe ne avbe ẹvbo Osanobua ima. Iho e Nọyaẹnmwa ọ re a gha ru.”

II Krọnikol 32:7

“Wa sikhua, vbe ne a i na fian afianma, wa ghẹ gie ohan Ọgbaisi Asiria ra ivbiyokuo ne ọ viọ khian mu uwa. Ẹtin ne ima mwẹ ọ re ọ sẹ ne irẹn mwẹ.

Nehimaia 4:14

I ghi miẹn wẹ afianma fian iran, I keghi tama iran, kevbe avbe olotu iran ke emwa ni rre ukpo vbọ wẹẹ, “Wa ghẹ gie ohan avbe eghian ima mu uwa, wa yerre vbene Nọyaẹnmwa kpọlọ hẹ kevbe vbene ọ gbe orrirri hẹ ne uwa gbinna ne ivbi ẹvbo uwa kevbe avbe ivbi uwa, amwẹ uwa kevbe owa uwa.”

Nehimaia 4:8

Iran keghi rhunmwuda ọnii koko si uma wẹ ne iran do khọn Jerusalẹm ne iran miẹn ehe na mu olighi yọ.

Ẹsta 4:16

“Ye si avbe Ju ni rre Susa hia koko, wa yo aguẹ ne uwa gha na erhunmwu mẹ. Wa ghẹ re wa ghẹ da la avan eha kevbe asọn eha. Me kevbe ibiẹka ikhuo ni re eguọmwadia mwẹ, gha vbe ru vberriọ. Vbe iyekọni, I gha bu ọba gha khian, a gha rhe miẹn wẹ uhi ma kha vberriọ. A deghẹ te I gha ghi ye uhunmwu khiẹ ọre rhunmwuda ne I na ru vberriọ, a gunmwẹ ye uhunmwu khiẹ ọre.”

Job 1:21

Ọ keghi kha wẹẹ, “Irhunmwirhun ọ re iye mwẹ biẹ mwẹ re, irhunmwirhun ọ re I vbe ya rrie. E Nọyaẹnmwa ọ re ọ viọ emwi ne ọmwa, e Nọyaẹnmwa ọ re ọ vbe miẹn ọmwa ẹre. Urhomwẹ nọ ne eni ẹnrẹn.”

Nọmbas 13:20

Wa ghe ẹre a deghẹ otọe nii ma emwiokọ, kevbe wẹ deghẹ erhan bun vbe otọe nii. Wa ghẹ mwẹ wa ma viọ rre vbe ọmọ erhan ni rre ẹvbo nii.” (Ẹghẹ ne ọmọ erhan ayọn nọ baa ya suẹn gha vbo nọ.)

I Kọrinti 16:13

Wa khẹ ye egbe, wa mudia gbain vbe uwu iyayi na, wa din, wa vbe wegbe.

Diuteronomi 31:6

Wa gha wegbe ne uwa vbe din. Wa ghẹ gie ohan emwa nii mu uwa, Osanobua uwa ighẹ e Nọyaẹnmwa tobọ ẹre gha yaba uwa, ẹ i ra hiẹ uwa ra ne ọ he uwa ye otọ.”

Diuteronomi 31:7

Ẹre Mosis na tie Jọsua, ọ na tama rẹn vbe sirra ivbi Izrẹl hia wẹẹ, “U ghi wegbe ne u vbe din wẹ ọrọre ọmwa ne ọ gha mu olotu viọ emwa na ya yin otọe nii ne Nọyaẹnmwa ve avbe erha iran odede ẹre.

Hibru 11:33

Iyayi ọre iran ya gu agbọn ẹvbo ni bun khọn, iran na vbe khọnmiotọ. Iran ru emwi ne ọ kere, emwi ne Osanobua ve keghi sẹ iran obọ. Iran gue avbe oduma unu.

Hibru 13:6

Rhunmwuda ọnii, wa gie ima din ne a kha wẹẹ, “Nọyaẹnmwa ọrọre ne ọ yọ mwẹ obọ, ohan ighi mu mwẹ. De emwi ne ọmwa gha sẹtin ru mwẹ re?”

Jọsua 1:18

Ọmwa ne ọ rhirhi muan ruẹn ẹmwẹ ra ne ọ he uhunmwu yuẹ obọ, a ghi gbe ẹe rua. Sokpan wegbe ne u vbe din!”

Jọsua 1:9

Ya uhi ne I gbe nuẹn rre. Wegbe ne u vbe din. Ghẹ gie ohan muẹn, ghẹ gie ẹtin fo uẹ, rhunmwuda mẹ ne Nọyaẹnmwa Osanobua ruẹ rrọọ yaba ruẹ vbe eheikehe ne u gha rhirhi yo.”

Giọgis 10:15

Sokpan ivbi Izrẹl keghi tama e Nọyaẹnmwa wẹẹ, “Ma rukhọ nẹ, ru emwi ne ọ rhirhi a yẹ ruẹ, sokpan, lahọ miẹn ima fan ẹrẹna.”

I Samuẹl 14:12

Ẹre ivbiyokuo e Filistin na datie Jonatan kevbe igbama ni wẹẹ, “Wa gha die edinran, ma mwẹ ẹmwẹ ne ima ra tama uwa!” E Jonatan keghi tama igbama ni wẹẹ, “Lele mwẹ, e Nọyaẹnmwa rhie akhọnmiotọ vbe uhunmwu iran ne ivbi Izrẹl nẹ.”

I Samuẹl 14:6

E Jonatan keghi khama igbama nii wẹẹ, “Gie ima fian ẹẹn rra gha rrie agọ avbe Filistin ne enigẹbọ na. Ọ gha kẹe, e Nọyaẹnmwa gha yi ma obọ, ọ gha ru vberriọ, emwi ọkpa ne ọ gha wẹ ne ima ghẹ khọnmiotọ i rrọ, vbe ne ọ khọnrẹn wẹ ne ima ru ibozẹghẹ sẹ.”

I Samuẹl 17:32

E Devid keghi tama e Sọl wẹẹ, “Ọmwa rhọkpa ghẹ gie afianma ovbi e Filistin na fian ẹẹn. I gha ya gu ẹe gbinna.”

I Samuẹl 3:18

Ẹre Samuẹl na talọ emwi hia ma rẹn, ọ ma vbe ke ya vbọ hiehie. Elai keghi wanniẹn wẹẹ, “Rẹn ọrọre Nọyaẹnmwa, emwikemwi ne ọ kei sẹ vbe aro ẹre ọ re ọ ra ru.”

I Samuẹl 4:9

Wa wegbe ivbi Filistin: Wa gbinna zẹ vbe ikpia ne ima ghẹ ya khian eviẹn ne ivbi e Hibru zẹ vbene iran te ka re eviẹn ima. rhunmwuda ọnii, wa gbinna zẹ vbe ikpia!”