II Samuẹl 10:10 - Edo Bible (E Baibol Ẹdo) Version 1996

¹⁰ Ọ keghi viọ ivbiyokuo nekpa ne ọtiọnrẹn ighẹ Abisiai, rẹn na gha iran ye ehe ne iran na mu aro da ivbi Amọn.

II Samuẹl 10:10 ပူးပေါင်းရင်းမြစ်များ

II Samuẹl 10:11

E Joab keghi tama rẹn wẹẹ, “U gha miẹn ighẹ obọ ivbi e Siria ra ke odukhunmwu mẹ, u ghi gha dee do yọmwẹ obọ. A deghẹ obọ ivbi Amọn ra ke odukhunmwu ne ọwuẹ, I gha do yọ uẹ obọ.

II Samuẹl 10:9

E Joab ghi miẹn wẹ avbe eghian gha la odaro kevbe iyeke rre do gu iran gbinna, ọ keghi hannọ e ni maa sẹẹ vbe avbe ivbiyokuo Izrẹl, ọ na gha iran ye ehe ne iran gha na mu aro da ivbi e Siria.

II Samuẹl 18:2

Ọ keghi wa iran ye ihe eha, ọ na mu obọkpa ne Joab, obọkpa ne Abisiai ne ọtẹn Joab kevbe obọkpa ne Itai ne ovbi ẹvbo ne a tie ẹre Gat, ọba keghi tama emwa rẹn wẹẹ, “Me tobọ mwẹ gha lele uwa gha khian.”

II Samuẹl 23:18

Ọtẹn e Joab ighẹ Abisiai (ne ovbi Zeruaia) kegha re ọkaolotu iran ọgban ni hin usi nii. Ọ keghi ye asoro ẹre gu arhin iyisẹn yan uri (300) gbinna, ọ keghi gbele iran an, ọ keghi do khian ne ọ hin usi vbe uwu avbe iran ọgban nii.

I Krọnikol 18:12

Abisiai ne a tie eni iye ẹe Zeruaia keghi khọn ivbi Idọm vbe Iya Umwẹ, ọ na gbele arriaisẹn evairrọvbugie (18,000) vbe uwu iran.

I Krọnikol 19:1

Ọ ghi kpee fua kherhe, e Nahas ne ọba Amọn keghi wu, e Hanun ne ovbi ẹre na rriọba.